ജിദ്ദ – സൗദിയില് ഏപ്രില് മാസത്തില് പണപ്പെരുപ്പം 1.7 ശതമാനമായി കുറഞ്ഞതായി ജനറല് അതോറിറ്റി ഫോര് സ്റ്റാറ്റിസ്റ്റിക്സ് അറിയിച്ചു. ഏകദേശം 15 മാസത്തിനിടയിലെ ഏറ്റവും താഴ്ന്ന പണപ്പെരുപ്പമാണിത്. മാര്ച്ചില് പണപ്പെരുപ്പം 1.8 ശതമാനമായിരുന്നു. ഭവന, വെള്ളം, വൈദ്യുതി, ഗ്യാസ്, മറ്റ് ഇന്ധന വിഭാഗത്തില് വിലകളിലെ 3.8 ശതമാനം വര്ധന, ഗതാഗത നിരക്കുകളിലെ ഒരു ശതമാനം വര്ധന, റെസ്റ്റോറന്റ്, താമസ സേവന നിരക്കുകളിലെ ഒരു ശതമാനം വര്ധന എന്നിവയാണ് 2025 ഏപ്രില് മാസത്തെ അപേക്ഷിച്ച് ഇക്കഴിഞ്ഞ മാസം പണപ്പെരുപ്പം 1.7 ശതമാനം തോതില് ഉയരാന് കാരണമെന്ന് അതോറിറ്റി പറഞ്ഞു. ഭവന വാടക 4.8 ശതമാനം തോതില് വര്ധിച്ചതാണ് ഭവന, വെള്ളം, വൈദ്യുതി, ഗ്യാസ്, മറ്റ് ഇന്ധന വിഭാഗത്തില് നിരക്ക് വര്ധനവിന് കാരണം.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group