റിയാദ്: സൗദി അറേബ്യയിലെ നിലവിലെ സാഹചര്യങ്ങളുടെ പശ്ചാത്തലത്തിൽ, രാജ്യത്തുള്ള എല്ലാ ഇന്ത്യൻ പൗരന്മാരും അതീവ ജാഗ്രത പാലിക്കണമെന്ന് റിയാദിലെ ഇന്ത്യൻ എംബസി മുന്നറിയിപ്പ് നൽകി. വ്യോമാക്രമണ ഭീഷണിയുള്ള സന്ദർഭങ്ങളിൽ ജനങ്ങൾ സുരക്ഷിതരായി വീടുകൾക്കുള്ളിൽ തന്നെ കഴിയണമെന്നും, പ്രാദേശിക ഭരണകൂടങ്ങളുടെ ഔദ്യോഗിക നിർദ്ദേശങ്ങൾ കർശനമായി പാലിക്കണമെന്നും എംബസി നിർദ്ദേശിച്ചിട്ടുണ്ട്. കൂടാതെ, ഇതുമായി ബന്ധപ്പെട്ട അപൂർണ്ണമായതോ സ്ഥിരീകരിക്കാത്തതോ ആയ വാർത്തകളും ദൃശ്യങ്ങളും സമൂഹമാധ്യമങ്ങളിൽ പങ്കുവെക്കരുതെന്നും കർശന നിർദ്ദേശമുണ്ട്.
റിയാദിലെ എംബസിയും ജിദ്ദയിലെ കോൺസുലേറ്റും വി.എഫ്.എസ് (VFS) മുഖേനയുള്ള പാസ്‌പോർട്ട് സേവനങ്ങളും സാധാരണ പോലെ പ്രവർത്തിക്കുന്നുണ്ടെന്ന് അധികൃതർ വ്യക്തമാക്കി. യൂസഫ് അലിയുടെ ഖബറടക്കം പൂർത്തിയായി. റിയാദ് വിമാനത്താവളത്തിലുണ്ടായ ആക്രമണത്തിൽ ദാരുണമായി മരണപ്പെട്ട ഇന്ത്യക്കാരനായ മുഹമ്മദ് യൂസഫ് അലിയുടെ ഖബറടക്ക ചടങ്ങുകൾ കുടുംബാംഗങ്ങളുടെ ആഗ്രഹപ്രകാരം ഒക്ടോബർ 12-ന് റിയാദിൽ നടത്തി.
𝐈𝐌𝐏𝐎𝐑𝐓𝐀𝐍𝐓 𝐔𝐏𝐃𝐀𝐓𝐄/𝐀𝐃𝐕𝐈𝐒𝐎𝐑𝐘 https://t.co/gPuYrnft1i
— India in Saudi Arabia (@IndianEmbRiyadh) October 13, 2026
ഇന്ത്യൻ അംബാസഡറും എംബസി പ്രതിനിധികളും ചടങ്ങിൽ സന്നിഹിതരായിരുന്നു. ആക്രമണത്തിൽ പരിക്കേറ്റ ഇന്ത്യൻ പൗരന്മാരിൽ 4 പേർ തീവ്രപരിചരണ വിഭാഗത്തിലും 4 പേർ സാധാരണ വാർഡുകളിലും ചികിത്സയിലാണെന്നും 3 പേർ ആശുപത്രി വിട്ടതായും എംബസി അറിയിച്ചു. പരിക്കേറ്റവരുടെ കുടുംബങ്ങളുമായി എംബസി നിരന്തരം ബന്ധപ്പെടുന്നുണ്ടെന്നും ആവശ്യമായ എല്ലാ സഹായങ്ങളും നൽകുന്നുണ്ടെന്നും ഔദ്യോഗിക കുറിപ്പിൽ വ്യക്തമാക്കുന്നു. വിമാന സർവീസുകൾ തടസ്സപ്പെട്ടു
റിയാദ് കിംഗ് ഖാലിദ് അന്താരാഷ്ട്ര വിമാനത്താവളത്തിന്റെ പ്രവർത്തനം സിവീൽ ഏവിയേഷൻ ജനറൽ അതോറിറ്റി (GACA) താൽക്കാലികമായി നിർത്തിവച്ചിരിക്കുകയാണ്. ദമാം, ജിദ്ദ, മദീന വിമാനത്താവളങ്ങളുടെ പ്രവർത്തനം തുടരുന്നുണ്ടെങ്കിലും സർവീസുകൾ ഭാഗികമായി തടസ്സപ്പെട്ടിട്ടുണ്ട്.
പ്രമുഖ ഇന്ത്യൻ വിമാനക്കമ്പനികളും സർവീസുകൾ റദ്ദാക്കിയിട്ടുണ്ട്:എയർ ഇന്ത്യ & എയർ ഇന്ത്യ എക്സ്പ്രസ്: റിയാദ്, ദമാം, ജിദ്ദ സർവീസുകൾ ഒക്ടോബർ 17 വരെ നിർത്തിവച്ചു. അകാശ എയർ: റിയാദ്, ജിദ്ദ സർവീസുകൾ ഒക്ടോബർ 17 വരെ റദ്ദാക്കി. ഇൻഡിഗോ: റിയാദ്, ദമാം, ജിദ്ദ, മദീന സർവീസുകൾ ഒക്ടോബർ 17 വരെ റദ്ദാക്കി. സൗദിയ എയർലൈൻസ് ദമാം, ജിദ്ദ, മദീന എന്നിവിടങ്ങളിൽ നിന്നും ഫ്ലൈനാസ് ദമാം-ലഖ്‌നൗ റൂട്ടിലും സർവീസുകൾ നടത്തുന്നുണ്ട്. അടിയന്തിരമായി മടങ്ങേണ്ടവർക്ക് ഖത്തർ, ബഹ്‌റൈൻ തുടങ്ങിയ അയൽരാജ്യങ്ങൾ വഴിയുള്ള വിമാനങ്ങളെ ആശ്രയിക്കാമെങ്കിലും അതത് രാജ്യങ്ങളുടെ വിസ ചട്ടങ്ങൾ ബാധകമായിരിക്കും.
വിസാ കാലാവധി കഴിഞ്ഞവർക്ക് ഇളവ്
സന്ദർശക, ടൂറിസ്റ്റ്, ഉംറ, ബിസിനസ് വിസകളിൽ സൗദിയിലെത്തുകയും വിമാന സർവീസുകൾ തടസ്സപ്പെട്ടതുമൂലം വിസാ കാലാവധി കഴിഞ്ഞുപോയ ഇന്ത്യൻ പൗരന്മാർക്ക് പിഴയൊന്നും ഈടാക്കാതെ രാജ്യത്തുനിന്ന് പുറത്തുപോകാൻ സൗദി അധികൃതർ അനുമതി നൽകിയിട്ടുണ്ട്. സർവീസുകൾ പുനരാരംഭിക്കുന്ന മുറയ്ക്ക് ഇവർ എത്രയും വേഗം രാജ്യം വിടേണ്ടതാണ്.
24 മണിക്കൂറും പ്രവർത്തിക്കുന്ന ഹെൽപ്പ്ലൈൻ
ഇന്ത്യൻ പൗരന്മാരുടെ സഹായത്തിനായി എംബസി പ്രത്യേക കൺട്രോൾ റൂം തുറന്നിട്ടുണ്ട്: ഫോൺ നമ്പർ: +966-11-488469 ടോൾ ഫ്രീ (സൗദിയിൽ നിന്ന് മാത്രം): 8002471234 വാട്ട്‌സ്ആപ്പ് (സന്ദേശങ്ങൾക്ക് മാത്രം): +966-536216082 ഇമെയിൽ: [email protected]