ജിദ്ദ: ജിദ്ദ സീസണിൽ ഇന്ത്യ-സൗദി സാംസ്കാരികോത്സവത്തിന്റെ ഭാഗമായി അരങ്ങേറുന്ന കലാപരിപാടികളില് പങ്കെടുക്കാന് പ്രശസ്ത റാപ് ഗായകന് ഡെബ്സി എത്തി.
ഇന്ന് വൈകുന്നേരം ജിദ്ദ ഇക്വസ്ട്രിയൻ ക്ലബ്ബില് വൈകിട്ട് അഞ്ച് മുതല് രാത്രി 12 വരെയാണ് കലാവിരുന്ന്. ഇന്ത്യൻ ആന്റ് സൗദി നൈറ്റ് എന്ന പേരില് ജനറല് എന്റര്ടെയിൻമെന്റ് അതോറിറ്റിയാണ് പരിപാടി സംഘടിപ്പിക്കുന്നത്. പരിപാടിയിൽ ഇരു രാജ്യങ്ങളിൽ നിന്നുള്ള പ്രശസ്തകലാകാരന്മാര് പങ്കെടുക്കും.
ഗായകരായ നിഖിത ഗാന്ധി, സൽമാൻ അലി എന്നിവർ ഒരുക്കുന്ന സംഗീതപ്പെരുമഴയും സഞ് ജിത്ത് ഡാൻസ് ക്രൂ ഒരുക്കുന്ന നൃത്ത പരിപാടികളും അരങ്ങേറും.
വാറ്റ് ഉള്പ്പെടെ 35 റിയാൽ 99 റിയാൽ എന്നിങ്ങനെയാണ് ടിക്കറ്റ് നിരക്ക്. 99 റിയാൽ ടിക്കറ്റെടുക്കുന്നവർക്ക് പരിാടി ആസ്വദിക്കുന്നതിനായി ഇരിപ്പിട സൗകര്യം ഒരുക്കിയിട്ടുണ്ട്. 12 വയസ്സിന് താഴെയുള്ളവർക്ക് ടിക്കറ്റ് വേണ്ടതില്ല. ജിദ്ദയുടെ വിവിധ ഭാഗങ്ങളിൽ നിന്ന് ഇക്വസ്ട്രിയൻ ക്ലബ്ബിലേക്ക് സൗജന്യ ബസ് സർവീസുകൾ ഒരുക്കിയിട്ടുണ്ട്. ടിക്കറ്റുകള് https://webook.com/en എന്ന വെബ്സൈറ്റില് ലഭ്യമാണ്.