ഹ്യദയാഘാതം മൂലം ആലപ്പുഴ സ്വദേശി ദമാമിൽ നിര്യാതനായി

ദമാം– ആലപ്പുഴ സ്വദേശി ഹൃദായാഘാതം മൂലം സൗദി ദമാമിൽ നിര്യാതനായി. തകഴിചിറയകം തെന്നടി സനീഷ് ഭവനം പ്രദീപ് കുമാർ(42) ആണ് മരിച്ചത്. താമസ സ്ഥലത്ത് വെച്ചായിരുന്നു സംഭവം. 15 വർഷമായി ദമാം അൽ റാഷിദ് വുഡ് പ്രോഡക്റ്റ് ഫാക്ടറിയിലെ പ്രൊഡക്ഷൻ കോഓർഡിനേറ്ററായി ജോലി ചെയ്ത് വരികയായിരുന്നു ഇദ്ദേഹം. പിതാവ്: പങ്കജാക്ഷൻ. മാതാവ്: പ്രസന്നകുമാരി. ഭാര്യ: റാത്തോഡ് ദിപാലി ബെൻ, മകൾ അർജുൻ പി.നായർ, അഞ്ജന പി.നായർ. മ്യതദേഹം നാട്ടിലേക്ക് കൊണ്ട് പോകുന്നതിനുള്ള നിയമ നടപടി ക്രമങ്ങൾ സാമൂഹ്യ പ്രവർത്തകൻ ഷാജി വയനാടിന്റെ നേത്യത്വത്തിൽ പുരോഗമിക്കുന്നു.