ജിദ്ദ തുറമുഖം വഴി കടത്താൻ ശ്രമിച്ച മയക്കുമരുന്നുകൾ പിടികൂടി

ജിദ്ദ – ജിദ്ദ ഇസ്‌ലാമിക് പോർട്ട് വഴി കടത്താൻ ശ്രമിച്ച മയക്കുമരുന്ന് സകാത്ത്, ടാക്‌സ് ആന്റ് കസ്റ്റംസ് അതോറിറ്റി പിടികൂടി. തുറമുഖം വഴി ഇറക്കുമതി ചെയ്ത കരി ലോഡിൽ ഒളിപ്പിച്ച് കടത്തിയ 47,93,000 ലഹരി ഗുളികകളാണ് അതോറിറ്റി പിടികൂടിയത്. സുരക്ഷാ സാങ്കേതികവിദ്യകളും പോലീസ് നായ്ക്കളെയും ഉപയോഗിച്ച് നടത്തിയ പരിശോധനയിലാണ് മയക്കുമരുന്ന് ശേഖരം കണ്ടെത്തിയത്. ജനറൽ ഡയറക്ടറേറ്റ് ഓഫ് നാർകോട്ടിക്‌സ് കൺട്രോളുമായി ഏകോപനം നടത്തി മയക്കുമരുന്ന് ശേഖരം സൗദിയിൽ സ്വീകരിച്ചവരെ അറസ്റ്റ് ചെയ്തതായി അതോറിറ്റി അറിയിച്ചു.