അൽ അഹ്സ: ഹൃദയാഘാതത്തെ തുടർന്ന് ഇന്ന് (04-02-2026 ബുധൻ) രാവിലെ 10:55 ന് അൽ ഹസ്സ മുബാറസ് അൽ ഉബൈദ് ഹോസ്പിറ്റലിൽ നിര്യാതനായ റോയി വർഗീസിന്റെ മൃതദേഹം വെള്ളിയാഴ്ച രാവിലെ നാട്ടിലെത്തിക്കും. അൽ ഹസ്സ ഒ ഐ സി സി മെമ്പറും, അൽ ഹസ്സ മാർത്തോമ കോൺഗ്രിഗേഷൻ അൽ അഹ്സ ട്രസ്റ്റിയുമായ റോയി വർഗ്ഗീസ് ജീവകാരുണ്യ സാമൂഹിക സേവന രംഗത്തെ, നിറസാന്നിദ്ധ്യവുമായിരുന്നു.പവർവെൽ ഇന്റർനാഷണൽ കമ്പനി ജീവനക്കായിരുന്നു.
വെള്ളിയാഴ്ച പുലർച്ചെ 01:25 നുള്ള ദമാം-ദൽഹി എയർ ഇന്ത്യ വിമാനത്തിൽ ദൽഹിയിലെത്തിക്കുന്ന മൃതദേഹം, അവിടെനിന്നും ഉച്ചയ്ക്ക് ശേഷം 03:20ന് അഹമ്മദാബാദ് വിമാനത്താവളത്തിലെത്തിക്കും. മാർത്തോമ്മ ജറുസലേം ചർച്ച് സെമിത്തേരിയിലാണ് സംസ്കാരം. മൃതദേഹത്തെ ഉബൈദ് ഹോസ്പിറ്റലിൽ നഴ്സ് കൂടിയായ ഭാര്യ
ആനി റോയി അനുഗമിക്കും.നടപടിക്രമങ്ങൾ പൂർത്തിയാക്കാൻ പ്രമുഖ സാമൂഹ്യ പ്രവർത്തകനും,ഒ ഐ സി സി സൗദി നാഷണൽ കമ്മിറ്റി ജനറൽ സെക്രട്ടറിയുമായ പ്രസാദ് കരുനാഗപ്പളളി നേതൃത്വം നൽകി.
റോയി വർഗ്ഗീസിന്റെ അകാല വിയോഗത്തിൽ ഒ ഐ സി സി അൽ അഹ്സ കമ്മിറ്റി അനുശോചിച്ചു.