ജിദ്ദ: മാനവ സഹോദര്യത്തിന്റെയും ഐക്യത്തിന്റെയും സൗന്ദര്യ സന്ദേശമായി ജിദ്ദ കേരള പൗരാവലി കമ്മ്യൂണിറ്റി ഇഫ്താർ. ജിദ്ദയിലെ സാമൂഹ്യ, സാംസ്കാരിക, ജീവകാരുണ്യ, മാധ്യമ, വിദ്യാഭ്യാസ, സംരഭ രംഗത്തെ പ്രതിനിധികൾ ഇഫ്താറിൽ പങ്കെടുത്തു. കേരളത്തിലെ പതിനാല് ജില്ലയിൽ നിന്നുമുള്ള ജില്ലാ പ്രാദേശിക കൂട്ടായ്മകളുടെ ഭാരവാഹികളും കമ്മ്യൂണിറ്റി ഇഫ്താറിന്റെ ഭാഗമായി.
ജിദ്ദ ഗ്രാൻഡ് സഹ ഹോട്ടലിൽ സംഘടിപ്പിച്ച പരിപാടിയിൽ ജിദ്ദ കേരള പൗരാവലി ചെയർമാൻ കബീർ കൊണ്ടോട്ടി പൗരാവലിയുടെ പ്രവർത്തഞങ്ങളെ കുറിച്ച് വിശദീകരിച്ച് റമദാൻ സന്ദേശം നൽകി. മനുഷ്യ ജീവിതത്തിന്റെ എല്ലാ മേഖലകളിലുമുള്ള സൂക്ഷ്മതയാണ് വൃതം അനുഷ്ടിക്കുന്നതിലൂടെ ലക്ഷ്യമാക്കുന്നത്. ആത്‍മീയ വിശുദ്ധി ഹൃദയത്തെ നന്മ പ്രവർത്തിക്കാൻ പ്രാപ്തമാക്കുന്നു. ഇത് സഹ ജീവികളോടുള്ള കരുണക്കും സൗഹൃദത്തിനും അതിരുകളില്ലാത്ത പ്രവർത്തന വഴി ഒരുക്കുന്നു എന്നും റമദാൻ സന്ദേശത്തിൽ പറഞ്ഞു. നമ്മുടെ നാടിനെ അസ്വസ്ഥപ്പെടുത്തുന്ന ലഹരിയുടെ കണ്ണികൾ തകർക്കാൻ ജിദ്ദ കേരളീയ സമൂഹം ഒറ്റക്കെട്ടായി ആവശ്യമായ പ്രവർത്തനങ്ങൾ നടത്തിവരുന്നതായും അദ്ദേഹം പറഞ്ഞു.
ജനറൽ കൺവീനർ മൻസൂർ വയനാട് സ്വാഗതവും ട്രഷറർ ഷരീഫ് അറക്കൽ നന്ദിയും പറഞ്ഞു. ബീരാൻകുട്ടി കോയിസ്സൻ, ജലീൽ കണ്ണമംഗലം സി എച്ച് ബഷീർ, ഉണ്ണി തെക്കേടത്ത്, നവാസ് തങ്ങൾ എന്നിവർ ഇഫ്താറിന്റെ സംഗമത്തിന്റെ പ്രവർത്തനങ്ങൾക്ക് വിവിധ വകുപ്പുകളുടെ ഏകോപനം നിർവ്വഹിച്ചു
ജിദ്ദ കേരള പൗരാവലി ഭാരവാഹികളായ സലാഹ് കാരാടൻ, മിർസാ ഷരീഫ്, വേണുഗോപാൽ അന്തിക്കാട്, അബ്ദുൽ ഖാദർ ആലുവ, ഷമീർ നദ്‌വി, റാഫി ബീമാപ്പള്ളി, അലി തേക്കുത്തോട്, നൗഷാദ് ചാത്തല്ലൂർ എന്നിവർ വിവിധ പ്രവർത്തനങ്ങൾക്ക് നേതൃത്വം നൽകി. വിവിധ സംഘടനാ പ്രതിനിധികൾക്ക് പരസ്പരം റമദാൻ ആശംസകൾ നേരാനുള്ള അവസരംകൂടിയായി പൗരാവലിയുടെ കമ്മ്യൂണിറ്റി ഇഫ്താർ മീറ്റ്.