ജിദ്ദ: ജിദ്ദയിലെ പ്രമുഖ വെറ്ററൻസ് ഫുട്ബോൾ ക്ലബായ ഹിലാൽ എഫ്‌സിയുടെ 2024-25 സീസണിലെ വിജയാഘോഷവും ടീം അംഗങ്ങൾക്കുള്ള സ്വീകരണവും ഷറഫിയ ലക്കി ദർബാർ ഹോട്ടൽ ഓഡിറ്റോറിയത്തിൽ നടന്നു. എട്ട് ടൂർണമെന്റുകളിൽ പങ്കെടുത്ത ടീം അഞ്ചെണ്ണത്തിൽ ഫൈനലിസ്റ്റുകളായി, മൂന്ന് റണ്ണർഅപ്പ്, രണ്ട് ജേതാക്കൾ എന്നീ നേട്ടങ്ങളോടെ സീസണിലെ മികച്ച പ്രകടനം കാഴ്ചവച്ചു.
ബഷീർ വി.പി.യുടെ അധ്യക്ഷതയിൽ നടന്ന ചടങ്ങ് സൗദി ഇന്ത്യൻ ഫുട്ബോൾ ഫോറം വൈസ് പ്രസിഡന്റ് സലാം കാളികാവ് ഉദ്ഘാടനം ചെയ്തു. വെറ്ററൻസ് കളിക്കാരുടെ ആരോഗ്യ സംരക്ഷണത്തിന് ഊന്നൽ നൽകി ഫുട്ബോൾ സംസ്കാരം ജീവിതത്തിൽ പ്രാവർത്തികമാക്കേണ്ടതിന്റെ പ്രാധാന്യം അദ്ദേഹം ഉദ്ഘാടന പ്രസംഗത്തിൽ വിശദീകരിച്ചു.
എം.എഫ്.എ. ചീഫ് പാട്രൻ ലത്തീഫ് എൻ. കോൺഫർട്ട്, എ.സി.സി. ജിദ്ദ പ്രസിഡന്റ് മുജീബ് വി.പി., ക്ലബ് പ്രതിനിധികളായ ഷംസീർ മമ്പാട്, അനീസ്, ജംഷാദ്, മുൻസിൽ, ഹംസ, അഷ്റഫ്, ഹാരിസ് മമ്പാട്, റഷീദ് പാണ്ടിക്കാട് എന്നിവർ ആശംസകൾ അർപ്പിച്ചു. സിഫ് വൈസ് ക്യാപ്റ്റൻ ഖലീൽ കെ.ടി. സ്വാഗതവും ടീം മാനേജർ മിഥ്‌ലാജ് നന്ദിയും പറഞ്ഞു.