റിയാദ്: റിയാദിലെ ഡ്രൈവര്‍മാരുടെ കൂട്ടായ്മയായ ബെസ്റ്റ് ഡ്രൈവേഴ്‌സ് കൂട്ടായ്മയുടെ ഒമ്പതാം വാര്‍ഷികാഘോഷം എംബസി ഉദ്യോഗസ്ഥന്‍ പുഷ്പരാജന്‍ ഉദ്ഘാടനം ചെയ്തു. ദല്‍ഹി പബ്ലിക് സ്‌കൂള്‍ ഓഡിറ്റോറിയത്തില്‍ നടന്ന ചടങ്ങില്‍ നിഹാസ് പാനൂര്‍ അധ്യക്ഷത വഹിച്ചു.
രക്ഷാധികാരി അബ്ദുല്‍ മജീദ് പൂളക്കാടി ആമുഖപ്രസംഗം നടത്തി. സാമൂഹ്യ പ്രവര്‍ത്തകന്‍ ശിഹാബ് കൊട്ടുകാട്, മാധ്യമപ്രവര്‍ത്തകന്‍ ജയന്‍ കൊടുങ്ങല്ലൂര്‍, ഗഫൂര്‍ കൊയിലാണ്ടി. ജോസഫ് അതിരുങ്കല്‍, സണ്‍സിറ്റി മാനേജര്‍ മുഹമ്മദ് മഹബൂബല്‍, അബു അലി, ജോസഫ് അതിരുങ്കല്‍, ലത്തീഫ് തെച്ചി, റാഫി പാങ്ങോട്, ഷാജി മഠത്തില്‍, ഷിബു ഉസ്മാന്‍, ഷംനാദ് കരുനാഗപ്പള്ളി, സലിം ആര്‍ത്തിയില്‍, ഇസ്മയില്‍ പയ്യോളി, രാജേഷ് ഉണ്ണിയാട്ടില്‍, ഫ്രഡിന്‍ അലക്‌സ്, കമര്‍ബാനു ടീച്ചര്‍, അലി ആലുവ, സലിം കളക്കര, ജിബിന്‍ സമദ്, അഖിനാഷ് കരുനാഗപ്പള്ളി, സലീം വാലില്ലാപുഴ; അഷറഫ് മേച്ചേരി, ഉമ്മര്‍ മുക്കം എന്നിവര്‍ പങ്കെടുത്തു.
ഫൗണ്ടര്‍ മെമ്പര്‍ ഹസ്സന്‍ പൊന്‍മന, രക്ഷാധികാരി മുസ്തഫ നെല്ലിക്കപറമ്പ്, എക്‌സിക്യൂട്ടീവുമാരായ കണ്ണന്‍ കോട്ടയം, അരുണ്‍, ഷാജി കോട്ടയം, ഫാറൂഖ്, റയീസ്, അഹമ്മദ് കുദ്ദുസ്, റാഷിദ്, ഷമീര്‍ ബിച്ചു, ഷാഫി, ഇക്ബാല്‍, കോഡിനേറ്റര്‍ നൗഫല്‍ കോട്ടയം നേതൃത്വം നല്‍കി. ഷജിന്‍ നിഷാന്‍ അവതാരകനായി. സെക്രട്ടറി ജിജോ കണ്ണൂര്‍ സ്വാഗതവും ഷാനവാസ് വെമ്പിളി നന്ദിയും പറഞ്ഞു. തുടര്‍ന്ന് നടന്ന സംഗീത സായാഹ്ന പരിപാടിക്ക് ഗിറ്റാറിസ്റ്റ് സുമേഷ് കൂട്ടിക്കല്‍, ഗായിക സുമി അരവിന്ദ്, വിജേഷ് വിജയന്‍ എന്നിവര്‍ നേതൃത്വം നല്‍കി.