ജിദ്ദ: മക്ക പ്രവിശ്യയിയില് പെട്ട ഖുന്ഫുദക്കു സമീപം നടുക്കടലില് കുടുങ്ങിയ പത്തു ഈജിപ്തുകാരെ അതിര്ത്തി സുരക്ഷാ സേന രക്ഷപ്പെടുത്തി. ഈജിപ്തുകാരുടെ ബോട്ട് പവിഴപ്പുറ്റുകളില് കുടുങ്ങി ചെരിയുകയായിരുന്നു. ബോട്ട് യാത്രികര്ക്ക് വേണ്ട സഹായം നല്കിയ സൈനികര് ഇവരുടെ ബോട്ട് കരയിലേക്ക് വലിച്ചടുപ്പിക്കുകയും ചെയ്തു.
സമുദ്ര സുരക്ഷാ മാര്ഗനിര്ദേശങ്ങള് പാലിക്കണമെന്നും യാത്രക്കു മുമ്പ് ബോട്ടുകളുടെ സുരക്ഷ ഉറപ്പാക്കണമെന്നും അതിര്ത്തി സുരക്ഷാ സേന ആവശ്യപ്പെട്ടു. അടിയന്തിര സാഹചര്യങ്ങളില് സഹായം അഭ്യര്ഥിക്കാന് മക്ക, മദീന, കിഴക്കന് പ്രവിശ്യ എന്നിവിടങ്ങളില് 911 എന്ന നമ്പറിലും മറ്റു പ്രവിശ്യകളില് 994 എന്ന നമ്പറിലും വിളിക്കണമെന്നും സൈന്യം ആവശ്യപ്പെട്ടു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group