ജിദ്ദ– വണ്ടൂർ അയനികോട് സ്വദേശി പാലൂരാൻ അബ്ദു റഹ്മാൻ (55) ജിദ്ദയിൽ അന്തരിച്ചു. ഹൃദയാഘാതത്തെ തുടർന്നായിരുന്നു അന്ത്യം. ജിദ്ദയിലെ സനാബീലിൽ ജോലി ചെയ്തുവരികയായിരുന്നു അദ്ദേഹം. അടുത്ത ആഴ്ച നടക്കാനിരിക്കുന്ന മകളുടെ വിവാഹത്തിനായി നാട്ടിലേക്ക് പോകാൻ തയ്യാറെടുക്കുന്നതിനിടെയാണ് അപ്രതീക്ഷിതമായി മരണം സംഭവിച്ചത്. പന്ത്രണ്ട് വർഷമായി പ്രവാസിയായ അബ്ദു റഹ്മാൻ, പരേതനായ പാലൂരാൻ മൊയ്തീന്റെ മകനാണ്.
മയ്യിത്ത് ജിദ്ദയിൽ തന്നെ കബറടക്കുമെന്ന് ബന്ധുക്കൾ അറിയിച്ചു. മരണാനന്തര നടപടികൾ വേഗത്തിലാക്കാൻ ജിദ്ദ കെ.എം.സി.സി വെൽഫെയർ വിങ് പ്രവർത്തകർ രംഗത്തുണ്ട്. ഉമ്മുകുൽസുവാണ് മാതാവ്. ഭാര്യ: ഫാത്തിമ സബീറ. മക്കൾ: സഫ റഹ്മാൻ, ശിഫ, ശമ, മുഹമ്മദ് സഹൽ. സഹോദരങ്ങൾ: നജീബ്, സുഹ്റ, സാജിദ, സാഹിറ, ഹസീന. കുടുംബനാഥന്റെ അപ്രതീക്ഷിത വേർപാടിൽ വിങ്ങുന്ന മനസ്സിനൊപ്പം പ്രവാസി സമൂഹവും വേദനയോടെ പങ്കുചേരുകയാണ്.