സൗദി-കുവൈത്ത് സംയുക്ത അതിര്‍ത്തിയില്‍ പുതിയ എണ്ണ നിക്ഷേപം കണ്ടെത്തിയതായി ഇരു രാജ്യങ്ങളും സംയുക്തമായി അറിയിച്ചു. സംയുക്ത അതിര്‍ത്തിയില്‍ വഫ്റ എണ്ണ ഖനന, ഉല്‍പാദന പ്രദേശത്ത് നോര്‍ത്ത് വഫ്റ വാര – ബര്‍ഗാന്‍ ഫീല്‍ഡിലാണ് പുതിയ പെട്രോളിയം ശേഖരം കണ്ടെത്തിയിരിക്കുന്നത്.
ടൂറിസം മേഖലയില്‍ സീസണല്‍ ജോലി ചെയ്യാന്‍ സ്വദേശി ജീവനക്കാരെ ശാക്തീകരിക്കാനും തൊഴില്‍ വിപണിയില്‍ അവരുടെ പങ്കാളിത്തം വര്‍ധിപ്പിക്കാനുമുള്ള ശ്രമങ്ങളുടെ ഭാഗമായി, ടൂറിസം മന്ത്രാലയവുമായി സഹകരിച്ച് മാനവശേഷി, സാമൂഹിക വികസന മന്ത്രാലയം അജീര്‍ ടൂറിസം സീസണ്‍സ് സേവനം ആരംഭിച്ചു.
