ഒമാൻ ഐഡി കാർഡിന്റെ കാലാവധി പത്ത് വർഷമാക്കി

മസ്‌കത്ത്– ഒമാൻ ദേശീയ ഐഡി കാർഡിന്റെ കാലാവധി അഞ്ച് വർഷത്തിൽ നിന്ന് പത്ത് വർഷമാക്കി മാറ്റിയതായി റോയൽ ഒമാൻ പോലീസ്. ഒമാൻ പാസ്പോർട്ടിന്റെ കാലാവധിയും പത്ത് വർഷമാണ്. ലെഫ്റ്റനന്റ് ജനറൽ, ഇൻസ്പെക്ടർ ജനറൽ ഓഫ് പോലീസ് ആൻഡ് കസ്റ്റംസിന്റെ തീരുമാനപ്രകാരമാണ് ഈ മാറ്റം. പൗരന്മാർക്ക് സമയ ലാഭവും ഭരണനടപടികൾ കാര്യക്ഷമമാക്കുന്നതിനും വേണ്ടിയാണ് പുതിയ നടപടിയെന്ന് അധികൃതർ വ്യക്തമാക്കി.