അൽ ഐൻ- പാലക്കാട് മണ്ണാര്ക്കാട് സ്വദേശി അല് ഐനില് നിര്യാതനായി. മണ്ണാര്ക്കാട് പുളിക്കല് മുഹമ്മദലി (70) ആണ് മരണപ്പെട്ടത്. അര നൂറ്റാണ്ടിലേറെയായി പ്രവാസിയായ മുഹമ്മദാലി യു.എ.ഇ. രാഷ്ട്രപിതാവ് ശൈഖ് സായിദിന്റെ പ്രത്യേക വിദ്യാഭ്യാസ പദ്ധതിയിലൂടെ സ്കോളര്ഷിപ്പ് ലഭിച്ച് 1975ല് ലാണ് യുഎഇയിലെത്തിയത്. അല് ഐന് യൂനിവേഴ്സിറ്റിയിൽ പഠിക്കുകയും ഇവിടെത്തന്നെ കരിയര് തുടരുകയു൦ ചെയ്തു.
അല് ഐന് കോടതിയില് ഉന്നത ഉദ്യോഗസ്ഥനായി വിരമിച്ച ശേഷം പത്തുവര്ഷത്തോളമായി അല് ഐനില് ലീഗല് കണ്സള്ട്ടന്സി നടത്തി വരികയായിരുന്നു. പെരുമ്പിലാവ് അന്സാര് സ്ഥാപനങ്ങളുടെ ചെയര്മാനും ശാന്തപുരം കോളജ് മുന് പ്രിന്സിപ്പലും ആയിരുന്ന പുളിക്കല് മുഹമ്മദ് അബുല് ജലാല് മൗലവി- റുഖിയ ദമ്പതികളുടെ മകനാണ്. കേരള-യു.എ.ഇ. ഫുട്ബാള് രംഗത്തെ സജീവ സാന്നിധ്യവും ജി. സെവന് അല് ഐന് ക്ലബ്ബിന്റെ ഉടമയും കെഫ ഫൗണ്ടര് മെമ്പറുമായിരുന്നു. നടപടികള് പൂര്ത്തിയാക്കി അല് ഐന് അല് ഫുആ ഖബര്സ്ഥാനില് മയ്യിത്ത് കബറടക്കി. ഭാര്യമാര്: റംല ബീഗം, ഫഹീമ. മക്കള്: ഹിബ, ഹുദ, ഹിഷാം, ഹിലാല്, ഹനാദി, ഹയ്ഫ.