കുവൈത്ത് സിറ്റി – ജോലിക്ക് ഹാജരാകാതെ പത്ത് വര്‍ഷം ശമ്പളം കൈപ്പറ്റിയ ഉദ്യോഗസ്ഥനെ കുവൈത്ത് പരമോന്നത കോടതി അഞ്ച് വര്‍ഷം കഠിന തടവിന് ശിക്ഷിച്ചു. ആഭ്യന്തര മന്ത്രാലയത്തിനു കീഴിലെ സിറ്റിസണ്‍ സര്‍വീസ് സെന്റര്‍ ജീവനക്കാരനാണ് ശിക്ഷിക്കപ്പെട്ട പ്രതി. ജോലി ചെയ്യാതെ ശമ്പളമായി കൈപ്പറ്റിയ 1,04,000 കുവൈത്തി ദീനാര്‍ പ്രതി തിരിച്ചടക്കണമെന്നും വിധിയുണ്ട്. ഉദ്യോഗസ്ഥനെ നേരത്തെ കുറ്റവിമുക്തനാക്കിയ ക്രിമിനല്‍ കോടതിയുടെയും അപ്പീല്‍ കോടതിയുടെയും വിധികള്‍ പരമോന്നത കോടതി റദ്ദാക്കിയാണ് ശിക്ഷ പ്രഖ്യാപിച്ചത്. ജോലി ചെയ്യാതെ കൈപ്പറ്റിയ വേതനത്തിന്റെ രണ്ടിരട്ടി തുക പ്രതിക്ക് പിഴ ചുമത്തിയിട്ടുമുണ്ട്. ഇതോടെ അദ്ദേഹം സര്‍ക്കാരിന് തിരിച്ചടക്കേണ്ട ആകെ തുക 3,12,000 കുവൈത്തി ദീനാറായി. പ്രതിയെ ജോലിയില്‍ നിന്ന് പിരിച്ചുവിടാനും കോടതി ഉത്തരവിട്ടു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group