കുവൈത്ത് സിറ്റി – ഇന്ത്യന്‍ യുവാവിനെ ക്രൂരമായി കൊല്ലപ്പെട്ട നിലയില്‍ കണ്ടെത്തി. പ്രതിയെന്ന് സംശയിക്കുന്ന ഫിലിപ്പിനോ യുവാവിനെ സുരക്ഷാ വകുപ്പുകള്‍ അറസ്റ്റ് ചെയ്തു. ഫിന്റാസ് ഏരിയയില്‍ പാറക്കെട്ടുകളുള്ള തീരദേശ മുനമ്പില്‍, ചാലെറ്റുകള്‍ക്ക് എതിര്‍വശത്താണ് 40 കാരന്റെ മൃതദേഹം കണ്ടെത്തിയത്. ഇരയുടെ കൈകള്‍ അറ്റുവേര്‍പ്പെട്ട നിലയിലായിരുന്നു. സമീപത്തെ പാറകളില്‍ രക്തംപുരണ്ടിരുന്നു.
ഉടന്‍ തന്നെ സുരക്ഷാ വകുപ്പുകള്‍ വളഞ്ഞ പ്രദേശത്ത് പബ്ലിക് പ്രോസിക്യൂട്ടറും ഫോറന്‍സിക് എവിഡെന്‍സ് ഡിപ്പാര്‍ട്ട്‌മെന്റ് ഉദ്യോഗസ്ഥരും എത്തി പരിശോധനകള്‍ നടത്തി. സംഭവം കൊലപാതകമാണെന്ന് പ്രാഥമിക ഫോറന്‍സിക് പരിശോധനകള്‍ സൂചിപ്പിച്ചു. സത്വര അന്വേഷണങ്ങളിലൂടെ പ്രതിയെന്ന് സംശയിക്കുന്ന ഫിലിപ്പിനോയെ അഹ്മദി പോലീസ് അറസ്റ്റ് ചെയ്തു. കൂടുതല്‍ ചോദ്യം ചെയ്യാനും നിയമ നടപടികള്‍ക്കുമായി പ്രതിയെ പിന്നീട് ബന്ധപ്പെട്ട വകുപ്പിന് കൈമാറി.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group