ജിദ്ദ വേങ്ങര മണ്ഡലം കെ.എം.സി.സി ഹജ് ക്യാംപ് ചൊവ്വാഴ്ച

ജിദ്ദ: വേങ്ങര നിയോജക മണ്ഡലം പരിധിയിൽ നിന്ന് സംസ്ഥാന ഹജ് കമ്മിറ്റി വഴിയും സ്വകാര്യ ഗ്രൂപ്പിലുമായി ഈ വർഷത്തെ ഹജിന് പുറപ്പെടുന്നവർക്ക് ജിദ്ദ മണ്ഡലം കെഎംസിസി യുടെ ആഭിമുഖ്യത്തിൽ ‘അഹ്ലൻ ബികും ബിയുളൂഫി റഹ്മാൻ ‘ എന്ന പേരിൽ ഹജ് പ്രായോഗിക പരിശീലന ക്യാമ്പ് നടത്തുന്നു. 14 ന് ചൊവ്വ ഉച്ചക്ക് 2:30 മുതൽ വൈകിട്ട് 5 വരെ വേങ്ങര പത്ത്മൂച്ചി സുബൈദ പാർക്ക് ഓഡിറ്റോറിയത്തിലാണ് ക്യാമ്പ്.

പാണക്കാട് സയ്യിദ് റഷീദലി ശിഹാബ് തങ്ങൾ ഉദ്ഘാടനം ചെയ്യും. അബ്ദുസ്സമദ് പൂക്കോട്ടൂർ , അബൂബക്കർ അരിമ്പ്ര, ഇസ്ഹാഖ് പൂണ്ടോളി, എന്നിവർ ക്ലാസ്സിന് നേതൃത്വം നൽകും നാണി മാസ്റ്റർ, പി.കെ അസ്ലു തുടങ്ങിയ പ്രമുഖർ പങ്കെടുക്കും. ഹാജിമാർക്ക് മക്കയിലും, മിനയിലും, മദീനയിലും സേവനം ചെയ്യുന്ന കെ.എം.സി.സി വളണ്ടിയർമാരുടെ സാന്നിധ്യവും ക്യാമ്പിലുണ്ടാവും.