അബുദാബിയിലെ “ബിഗ് ടിക്കറ്റ് “പ്രവർത്തനം പുനരാരംഭിക്കുന്നു

അബുദാബി: യുഎഇയിൽ അടുത്തിടെ പ്രാബല്യത്തിൽ വന്ന പുതിയ ഗെയിമിംഗ് ചട്ടങ്ങൾ പാലിക്കുന്നതിന്റെ ഭാഗമായി താൽക്കാലികമായി പ്രവർത്തനങ്ങൾ നിർത്തിവച്ചിരുന്ന “അബുദാബി ബിഗ് ടിക്കറ്റ് “വീണ്ടും പ്രവർത്തനം പുനരാരംഭിക്കുന്നു.

അടുത്ത ലൈവ് നറുക്കെടുപ്പ് 2024 ജൂൺ മൂന്നിന് നടക്കും. അതേസമയം കഴിഞ്ഞ മാസം പ്രഖ്യാപിക്കുകയും ഓൺലൈനിലൂടെയും അല്ലാതെയും ടിക്കറ്റ് വിൽക്കുകയും ചെയ്ത 262ാം സീരീസ് നറുക്കെടുപ്പ് മുൻ നിശ്ചയപ്രകാരം ഏപ്രിൽ മൂന്നാം തീയതി തന്നെ നടന്നിരുന്നു.
കഴിഞ്ഞവർഷം മാത്രം ആകെ 246,297,071 ദിർഹത്തിന്റെ സമ്മാനങ്ങളാണ് ബിഗ് ടിക്കറ്റിലൂടെ വിജയികൾ സ്വന്തമാക്കിയത് .1992ൽ പ്രവർത്തനം തുടങ്ങിയ ബിഗ് ടിക്കറ്റിൽ മലയാളികൾ ഉൾപ്പെടെ ഒട്ടേറെ പേർ വിജയികളായി കോടിക്കണക്കിന് ദിർഹത്തിൻ്റെ സമ്മാനങ്ങൾ സ്വന്തമാക്കിയിട്ടുണ്ട്.