ബഹ്‌റൈനിൽ വീടിന് തീപിടിച്ചു; 16 വയസ്സുകാരി മരിച്ചു​

മനാമ– ബഹ്‌റൈനിലെ ജന്നൂസാനിൽ വീടിന് തീപിടിച്ചുണ്ടായ അപകടത്തിൽ 16 വയസ്സുകാരി മരിച്ചു. ജന്നൂസാൻ സ്വദേശിനിയായ ദുആ അൽ മഹ്‌ഫദയാണ് മരിച്ചത്. ​കഴിഞ്ഞ ദിവസം പുലർച്ചെയാണ് ദുആയുടെ കുടുംബം താമസിക്കുന്ന വീടിന് തീപിടിച്ചത്. അപകടത്തിൽ ഗുരുതരമായി പരിക്കേറ്റ ദുആയെ നാഷണൽ ആംബുലൻസ് സർവീസ് ഉടൻ തന്നെ സൽമാനിയ മെഡിക്കൽ കോംപ്ലക്സിൽ എത്തിച്ചെങ്കിലും ജീവൻ രക്ഷിക്കാനായില്ല. കനത്ത പുക ശ്വസിച്ചതാണ്മരണകാരണമെന്ന് റിപ്പോർട്ടുകൾ സൂചിപ്പിക്കുന്നു.