സലാലയിൽ വാഹനത്തിന് തീപിടിച്ച് അപകടം

സലാല– ഒമാനിലെ സലാലയിൽ വാഹനത്തിന് തീപിടിച്ചതായി റിപ്പോർട്ട്. സംഭവത്തിൽ ആർക്കും പരിക്കേറ്റിട്ടില്ല. ദോഫാർ ഗവർണറേറ്റിലെ സിവിൽ ഡിഫൻസ് ആൻഡ് ആംബുലൻസ് അതോറിറ്റി (സി.ഡി.എ.എ) യിലെ അഗ്നിശമന സേനാംഗങ്ങൾ സ്ഥലത്തെത്തി തീ പൂർണമായി നിയന്ത്രണവിധേയമാക്കി.

അപകടത്തിന്റെ കാരണം ഇതുവരെ വ്യക്തമല്ല. ഇത്തരം അപകടങ്ങൾ തടയുന്നതിന് ആവശ്യമായ മുൻകരുതലുകൾ സ്വീകരിക്കണമെന്ന് അധികൃതർ പൊതുജനങ്ങളോട് അഭ്യർഥിച്ചു.