ദമാം – ഗതാഗതം മെച്ചപ്പെടുത്താനായി 43 ട്രാഫിക് സിഗ്നലുകള് നീക്കം ചെയ്തതായും സുരക്ഷാ മാനദണ്ഡങ്ങള്ക്കനുസൃതമായി 367 പുതിയ കാല്നട ക്രോസിംഗുകള് നടപ്പാക്കിയതായും കിഴക്കന് പ്രവിശ്യ നഗരസഭ അറിയിച്ചു. പാലങ്ങള്ക്കും തുരങ്കങ്ങള്ക്കും ഉള്ളിലെ ദൃശ്യപരത 100 ശതമാനം വര്ധിച്ചു. 93 ശതമാനം ഗതാഗത സുരക്ഷ കൈവരിച്ചു. മൊത്തത്തിലുള്ള റോഡ് സുരക്ഷ 70 ശതമാനമായി ഉയര്ന്നതായും നഗരസഭ കൂട്ടിച്ചേര്ത്തു.
പ്രവിശ്യയിലെ റോഡ് സുരക്ഷ വര്ധിപ്പിക്കാനുള്ള നിരന്തരമായ ശ്രമങ്ങളുടെ ഭാഗമായി, ദമ്മാം മെട്രോപൊളിറ്റന് പ്രദേശത്തെ തെരുവുകളിലെ നടപ്പാത അവസ്ഥ സൂചികയില് (പേവിംഗ് കണ്ടീഷന് ഇന്ഡക്സ്) 68 ശതമാനം പുരോഗതിയും കൈവരിച്ചു. റോഡ് സുരക്ഷ ശക്തിപ്പെടുത്താനും ഗതാഗത സുരക്ഷാ അടിസ്ഥാന സൗകര്യങ്ങളുടെ കാര്യക്ഷമത മെച്ചപ്പെടുത്താനും അതുവഴി മെച്ചപ്പെട്ട ജീവിത നിലവാരം കൈവരിക്കാനും ഈ ശ്രമങ്ങളിലൂടെ ലക്ഷ്യമിടുന്നതായി കിഴക്കന് പ്രവിശ്യ നഗരസഭ പറഞ്ഞു.