ജിദ്ദ- വയനാട് പാലക്കാട് ഉപ തിരഞ്ഞെടുപ്പുകളിൽ യു.ഡി.എഫ് നേടിയ വിജയത്തിൽ ആഹ്ലാദം പങ്കിട്ട് ഒ.ഐ.സി.സി മലപ്പുറം ജില്ലാ കമ്മറ്റി (ജിദ്ദ ) ഷറഫിയയിൽ ലഡുവും പായസവും വിതരണം നടത്തി.
കേന്ദ്ര സംസ്ഥാന സർക്കാറുകളുടെ ജനദ്രോഹ നയങ്ങൾക്കെതിരെയുള്ള ശക്തമായ വിധിയെഴുത്താണ് ഉപ തെരഞ്ഞെടുപ്പിൽ പ്രതിഫലിച്ചതെന്ന് നേതാക്കൾ പറഞ്ഞു.
സി.പി.എമ്മിന്റെയും ബി.ജെ.പിയുടെയും കുപ്രചാരണങ്ങൾ തകർത്തുകൊണ്ട് പാലക്കാട് മണ്ഡലത്തിൽ ഉജ്വല വിജയം നേടാൻ കഴിഞ്ഞത് ജനാധിപത്യവും മതേതരത്വവും നില നിന്നു കാണാൻ ആഗ്രഹിക്കുന്ന സാധാരണ ജനങ്ങൾക്ക് ആശ്വാസമേകുന്നതാണെന്ന് ഒ.ഐ.സി.സി അഭിപ്രായപ്പെട്ടു. ആക്റ്റിംഗ് പ്രസിഡന്റ് അബ്ദുൽ അസീസ് ലാക്കലിന്റെ നേതൃത്വത്തിൽ നടന്ന ചടങ്ങുകളിൽ ഒ.ഐ.സി.സി ഗ്ലോബൽ, നാഷണൽ, റീജിയണൽ ജില്ലാ നേതാക്കളും പ്രവർത്തകരും സംബന്ധിച്ചു.
സാജു റിയാസ്, സിപി. മുജീബ് നാണി കാളികാവ്, എംടി ഗഫൂർ, ഉസ്മാൻ മേലാറ്റൂർ, കമാൽ കളപ്പാടൻ, ഫൈസൽ മക്കരപ്പറമ്പ്, ഇസ്മയിൽ കൂരിപ്പൊയിൽ, സമീർ പാണ്ടിക്കാട്, നിസ്നു ഹുസൈൻ, ബാവ പേങ്ങാടൻ, ഷംസുദീൻ മേലാറ്റൂർ, മുഹമ്മദ് ഓമാനൂർ, സമീർ കാളികാവ് എന്നിവർ നേതൃത്വം നൽകി.