വേങ്ങര സ്വദേശി മുഹമ്മദ് ഉനൈസിന്റെ മയ്യിത്ത് ഇന്ന് നാട്ടിലേക്ക് കൊണ്ട് പോകും

ഉനൈസ: സൗദി അറേബ്യയിലെ അൽ ഖസീം ദരിയയിൽ വാഹനാപകടത്തിൽ മരണപ്പെട്ട മലപ്പുറം വേങ്ങര സ്വദേശി വലിയോറ ചെനക്കൽ കല്ലൻ മുഹമ്മദ് ഉനൈസിൻ്റെ (27) മയ്യിത്ത് ഇന്ന് 19-07-2024 വെള്ളിയാഴ്ച്ച രാത്രി 11:50 നുള്ള റിയാദ് കാലിക്കറ്റ് എയർ ഇന്ത്യ എക്സ്പ്രസ് വിമാനത്തിൽ നാട്ടിലേക്ക് കൊണ്ട് പോകും.

ബ്രോസ്റ്റഡ് ഡെലിവറി നൽകി മടങ്ങുന്നതിടെ ബുധനാഴ്ച്ചയാണ് അപകടമുണ്ടായത്.ഉനൈസ് സഞ്ചരിച്ച വാഹനം പാർക്ക് ചെയ്ത് റോഡിൻ്റെ എതിർവശത്തുള്ള പാർക്കിലുള്ളവർക്ക്ഡെലിവറി നൽകി മടങ്ങുന്നതിനിടെ റോഡ് മുറിച്ചു കടക്കുമ്പോൾ മറ്റൊരു വാഹനം വന്നിടിച്ചാണ് അപകടമുണ്ടായത്.

നിയമ നടപടികൾ പൂർത്തിയാക്കാൻ ഉനൈസ കെഎംസിസി സെൻട്രൽ കമ്മിറ്റി നേതൃത്വം നൽകി.

കല്ലൻ ഉസൈൻ – ഖദീജ ദമ്പതികളുടെ മകനാണ്. ജസീലയാണ് ഭാര്യ. ലസിൻ, ഖദീജത്തുൽ ലുജൈൻ എന്നിവരാണ് മക്കൾ. സഹോദരങ്ങൾ: ഹാഫിസ് ത്വയ്യിബ് മുഈനി, നസ്‌ൽ, ജന്നത്