നജ്റാൻ: രണ്ട്‌ പതിറ്റാണ്ടിലേറെ നീണ്ടുനിന്ന പ്രവാസം അവസാനിപ്പിച്ച്‌ നാട്ടിലേക്ക് തിരിക്കുന്ന രാധാകൃഷ്ണൻ (ബാബു)ന്‌ ഒ.ഐ.സി.സി നജ്റാൻ കമ്മിറ്റി യാത്രയപ്പ് നൽകി. ഒഐസിസി നജ്റാൻ കമ്മിറ്റി പ്രസിഡന്റ് എം.കെ ഷാക്കിർ കൊടശേരി അധ്യക്ഷത വഹിച്ചു. ഒ.ഐ.സി.സി നജ്റാൻ കമ്മിറ്റിയുടെ സജീവ പ്രവർത്തകനാണ് രാധാകൃഷ്ണനെന്നും അദ്ദേഹത്തിന്റെ അസാന്നിധ്യം സംഘടനക്ക് നഷ്ടമായിരിക്കുമെന്നും ടി എൽ അരുൺകുമാർ പറഞ്ഞു. ഒ.ഐ.സി.സി നജ്റാൻ കമ്മറ്റിയുടെ സ്നേഹോപഹാരം നൽകി സംസാരിക്കുകയായിരുന്നു അദ്ദേഹം.
സ്വകാര്യ കമ്പനിയിൽ ഇരുപത്തി മൂന്ന് വർഷം ഡ്രൈവർ ജോലി ചെയ്ത്‌ വന്നിരുന്ന രാധാകൃഷണൻ ഒ.ഐ.സി.സി നജ്റാൻ കമ്മിറ്റിയുടെ എക്സിക്യൂട്ടീവ് അംഗമാണ്‌.
ഒ.ഐ.സി.സി നജ്റാൻ കമ്മിറ്റി സെക്രട്ടറി ടു.എൽ അരുൺ കുമാർ, തുളസീധരൻ തിരുവനന്തപുരം (ട്രഷറർ), ക്രിസ്റ്റിൻരാജ്, അലോഷിയസ്, സുരേഷ് കൊല്ലം , രാഹുൽ ബാബു, വി പി റാഷിദ്‌ എന്നിവർ സംബന്ധിച്ചു.