ജിദ്ദ- കേരള നദ്‌വത്തുൽ മുജാഹിദീൻ അഞ്ച്, ഏഴ് ക്ലാസുകളിലേക്കുള്ള 2023-2024 വർഷം മെയ് മാസത്തിൽ ഗൾഫ് സെക്ടറിൽ നടത്തിയ പൊതു പരീക്ഷയുടെ ഫലം പ്രസിദ്ധീകരിച്ചു. ജിദ്ദ ഇന്ത്യൻ ഇസ്ലാഹി സെന്ററിൽ പരീക്ഷ എഴുതിയ ശൈഖുൽ ഇസ്ലാം ഇബ്നു തൈമിയ്യ മദ്രസ്സയിലെ വിദ്യാർത്ഥികൾ നൂറു ശതമാനം വിജയം കരസ്ഥമാക്കുകയും, 7 എ പ്ലസ് നേടുകയും ചെയ്തു.
ദിൽന ഫാത്തിമ, ഫാത്തിമ ഹന, ഹഫ ആമിന, ഷെസ ബഷീർ, നിഹ് ല അബ്ദുറഹ്മാൻ, അഹ് ല അബ്ദുറഹ്മാൻ എന്നിവർ ഏഴാം ക്ലാസിലും ആയിഷ സിയ അഞ്ചാം ക്ലാസിലും മുഴുവൻ വിഷയങ്ങളിലും എ പ്ലസ് സ്വന്തമാക്കി
ശൈഖുൽ ഇസ്ലാം ഇബ്നു തൈമിയ്യ മദ്രസ്സയിൽ മത പഠന വിഷയങ്ങളും, പരിശുദ്ധ ഖുർആനിന്റെ പാരായണത്തിനും, പഠനത്തിനുമൊപ്പം മലയാളമടക്കമുള്ള ഭാഷാ പഠനത്തിനും പ്രത്യേക പരിഗണന നൽകുന്നു. പാഠ്യ വിഷയങ്ങൾക്ക് പുറമെ പഠ്യേതര വിഷയങ്ങളിലുള്ള മോട്ടിവേഷൻ ക്ലാസുകൾ, ബോധ വൽക്കരണ ക്ലാസുകൾ എന്നിവ സംഘടിപ്പിച്ചു വരുന്നു. രക്ഷിതാക്കൾക്കായി പാരന്റിംഗ് അടക്കമുള്ള വിഷയങ്ങളിൽ പ്രത്യേക പരിശീലന ക്ലാസുകൾ നടത്തുന്നു. കുട്ടികളുടെ കലാ കായിക കഴിവുകൾ പരിപോഷി പ്പിക്കുന്നതിനായി കലാ കായിക മത്സരങ്ങൾ സംഘടിപ്പിക്കുന്നു. സ്മാർട്ട് ക്ലാസ് റൂം, മൾട്ടി മീഡിയ എന്നിവ ഉപയോഗിച്ചുള്ള ആധുനിക പഠന മാധ്യമങ്ങളെ ഉപയോഗപ്പെടുത്തി കൊണ്ടുള്ള പഠന രീതിയാണ് മദ്രസ്സയിൽ പിന്തുടരുന്നത്.
മദ്രസയിൽ അഡ്മിഷൻ തുടരുന്നതായും, പൊതു പരീക്ഷയിൽ വിജയിച്ച മുഴുവൻ വിദ്യാർത്ഥികൾക്കും, പഠനത്തിന്‌ നേതൃത്വം നൽകിയ അദ്ധ്യാപകരെയും അഭിനന്ദിക്കുന്നതോടൊപ്പം, അവധിക്കാല ക്ലാസുകൾ ജൂലൈ 8ന് ആരംഭിക്കുന്നതായും മദ്രസ ഭാരവാഹികൾ അറിയിച്ചു. റെജിസ്റ്റർ ചെയ്യുന്നതിനായി www. islahicenter.org എന്ന വെബ് സൈറ്റ് അഡ്രസ്സിലോ 012-6532022, 0556278966 എന്ന നമ്പറിലോ ബന്ധപ്പെടേണ്ടതാണ്.