കൊല്‍ക്കത്ത: ഇന്ത്യന്‍ സൂപ്പര്‍ ലീഗില്‍ ഒഡീഷാ എഫ്‌സിക്ക് ജയം. ഈസ്റ്റ് ബംഗാളിനെതിരേ 2-1നാണ് ഒഡീഷയുടെ ജയം. ജയത്തോടെ ഒഡീഷ ലീഗില്‍ ഏഴാം സ്ഥാനത്തെത്തി. ഈസ്റ്റ് ബംഗാള്‍ അവസാന സ്ഥാനത്താണ്. 27ാം മിനിറ്റില്‍ റോയ് കൃഷ്ണയും 69ാം മിനിറ്റില്‍ മൗര്‍ട്ടഡാ ഫാലുമാണ് ഒഡീഷയ്ക്കായി സ്‌കോര്‍ ചെയ്തത്. 45ാം മിനിറ്റില്‍ ഈസ്റ്റ് ബംഗാളിനായി സ്‌കോര്‍ ചെയ്തത് മുന്‍ കേരളാ ബ്ലാസ്‌റ്റേഴ്‌സ് താരം ദിമിത്രിയോസ് ഡയമന്റോകോസാണ്.
തോല്‍വിയോടെ ഐഎസ്എല്ലില്‍ തുടര്‍ച്ചയായി ആറ് മല്‍സരങ്ങള്‍ പരാജയപ്പെടുന്ന രണ്ടാമത്തെ ടീമെന്ന മോശം റെക്കോഡ് ഈസ്റ്റ് ബംഗാളിന്റെ പേരിലായി.2022-23 സീസണില്‍ നോര്‍ത്ത് ഈസ്റ്റ് തുടര്‍ച്ചയായ 10 മല്‍സരങ്ങളില്‍ തോല്‍വിയേറ്റുവാങ്ങിയിരുന്നു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group