ഇന്ത്യൻ രൂപയുടെ മൂല്യം ഇടിഞ്ഞു, സൗദി റിയാലിന് 22.77 രൂപ; ഒരു യു.എ.ഇ ദിർഹത്തിന് 23.27

റിയാദ്: ഇന്ത്യൻ രൂപയുടെ മൂല്യം വീണ്ടും ഇടിഞ്ഞു. ഒരു സൗദി റിയാലിന് 22.77 ഇന്ത്യൻ രൂപയാണ് നിലവിലുള്ള നിരക്ക്. ശമ്പളം ലഭിച്ച് നാട്ടിലേക്ക് അയക്കാൻ തയ്യാറാകുന്ന വേളയിൽ പ്രവാസികൾക്ക് ഇത് ഏറെ അനുഗ്രഹമാണ്. കഴിഞ്ഞ പത്തുദിവസത്തെ ഏറ്റവും കൂടിയ നിരക്കാണിത്. ഇന്ന് ഒരു യു.എ.ഇ ദിർഹമിന് 23.27 ആയി കുറഞ്ഞു. ഈ ആഴ്ച 23.30വരെ ഇന്ത്യൻ രൂപയുടെ വില ഇടിയുമെന്ന് ധനകാര്യ വിദഗ്ധർ പറഞ്ഞിരുന്നു. തിങ്കളാഴ്ച മുതൽ ബുധനാഴ്ച വൈകുന്നേരം മുതൽ ഡോളർ കൂടുതൽ ഉയർന്നു. രൂപയുടെ മൂല്യം ഇനിയും കുറയാൻ സാധ്യതയുണ്ട് എന്നാണ് പ്രതീക്ഷിക്കുന്നത്.