ദമാം: ദമാമിൽ കഴിഞ്ഞ ദിവസങ്ങളിൽ മരിച്ച രണ്ട് പ്രവാസി മലയാളികളായ കോഴിക്കോട് സ്വദേശി പുതിയ പന്തക്കലകത്ത് അബ്ദുൽ റസാഖ്, കണ്ണൂർ ചെക്കിക്കുളം സ്വദേശി അബ്ബാസ് എന്നിവരുടെ മയ്യത്തുകൾ ഇന്ന് ഖബറടക്കും. അൽ കോബാർ ഇസ്‌കാൻ പാർക്കിലെ കിങ് ഫഹദ് ഗ്രാന്റ് മസ്ജിദിൽ മഗ്‌രിബിന് ശേഷം നടക്കുന്ന മയ്യത്ത് നമസ്ക്കാരം കഴിഞ്ഞ് തുക്ബ ഖബർസ്ഥാനിലായിരിക്കും മറവ് ചെയ്യുക. മയ്യത്ത് കാണാൻ ആഗ്രഹിക്കുന്നവർ വൈകിട്ട് അഞ്ച് മണിക്ക് കിങ് ഫഹദ് ഗ്രാന്റ് മസ്ജിദിലെത്തണം.
നിർമ്മാണം നടന്ന് കൊണ്ടിരിക്കുന്ന കെട്ടിടത്തിൽ നിന്നും അബദ്ധത്തിൽ വഴുതി വീണാണ് കോഴിക്കോട് സ്വദേശി പുതിയ പന്തക്കലകത്ത് അബ്ദുൽ റസാഖ് കഴിഞ്ഞ വ്യാഴാഴ്ചയാണ് മരിച്ചത്. കഴിഞ്ഞ വ്യാഴാഴ്ച ദമാമിലെ താമസ സ്ഥലത്ത് ഹ്യദയാഘാതം സംഭവിച്ചാണ് കണ്ണൂർ ചെക്കിക്കുളം സ്വദേശി അബ്ബാസ് മരണപ്പെട്ടത്. ഇരുവരുടേയും മയ്യത്ത് ഖബറടക്കുന്നതിനുള്ള നിയമ നടപടി ക്രമങ്ങൾ പൂർത്തിയാക്കുന്നതിന് ലോക കേരള സഭാംഗവും സാമൂഹ്യ പ്രവർത്തകനുമായ നാസ് വക്കം സഹായത്തിനുണ്ടായിരുന്നു.