റിയാദ്: നമ്മൾ ചാവക്കാട്ടുകാർ ഒരാഗോള സൗഹൃദകൂട്ട് സൗദി ചാപ്റ്റർ “നമ്മളോണം 2024” എന്ന പേരിൽ ഓണഘോഷം സംഘടിപ്പിച്ചു. സാംസ്കാരിക സമ്മേളനം എഴുത്തുകാരനും കവിയുമായ എം. ഫൈസൽ ഗുരുവായൂർ ഉദ്‌ഘാടനം ചെയ്തു. സാമൂഹിക പ്രവർത്തകൻ ശിഹാബ് കൊട്ടുകാട് മുഖ്യാതിഥി ആയിരുന്നു. പ്രസിഡണ്ട് ഷാഹിദ് അറക്കൽ അധ്യക്ഷത വഹിച്ചു. റിയാദ് ഇന്ത്യൻ എംബസി പ്രതിനിധി പുഷ്പരാജ്, റിയാദ് മീഡിയ ഫോറം വെൽഫെയർ കൺവീനർ ജയൻ കൊടുങ്ങല്ലൂർ, ഗ്ലോബൽ കോർഡിനേറ്റർ ഷാജഹാൻ ചാവക്കാട്, ജില്ലാ കൂട്ടായ്മ പ്രതിനിധികളായ കൃഷ്ണ കുമാർ, ഷാജി കൊടുങ്ങലൂർ, സുധാകരൻ ചാവക്കാട്, സഗീർ അന്താറത്തറ, അസ്‌ലം പാലത്ത്, മജീദ് പൂളക്കാടി,ജനറൽ സെക്രട്ടറി ആരിഫ് വൈശ്യം വീട്ടിൽ, ട്രഷറർ സയ്യിദ് ജാഫർ തങ്ങൾ, ഫെർമിസ് മടത്തൊടിയിൽ എന്നിവർ പ്രസംഗിച്ചു.
ശിംങ്കാരി മേളം, നാസ് ഡോൾ, ഉറിയടി, വടം വലി, പെനാൽറ്റി ഷൂട്ട് ഔട്ട്, റിയാദിലെ പ്രമുഖ ഗായകർ പങ്കെടുത്ത ഗാനമേള, കുട്ടികൾ അവതരിപ്പിച്ച നൃത്തങ്ങൾ തുടങ്ങിയവ പരിപാടിക്ക് മാറ്റുകൂട്ടി.
മനാഫ് അബ്ദുള്ള, സലിം പാവറട്ടി, ഫവാദ് കറുകമാട്, ഫായിസ് ബീരാൻ, പ്രകാശ് താമരയൂർ, സുബൈർ ഒരുമനയൂർ, , സിറാജുദ്ധീൻ ഓവുങ്ങൽ, സലിം അകലാട്, ഖയ്യൂം ഒരുമനയൂർ, ഉണ്ണിമോൻ പെരുമ്പലായി, യൂസഫ് പാങ്, ഷാഹിദ് തങ്ങൾ, ഫാറൂഖ് കുഴിങ്ങര, മൻസൂർ മുല്ലശ്ശേരി, ഫായിസ് വട്ടേക്കാട്, അബ്ദു റഹ്‌മാൻ, ഷെഫീഖ് അലി, യൂനസ് പടുങ്ങൽ, സിദ്ധീഖ് അകലാട്, ഫിറോസ് കോളനിപ്പടി, ഫാറൂഖ് അകലാട്, ഷഹീർ ബാബു, സാലിഹ് പാവറട്ടി തുടങ്ങിയവർ പരിപാടികൾക്ക് നേതൃത്വം നൽകി.