തളിപ്പറമ്പ് – പട്ടാപ്പകൽ വീട്ടിൽ അതിക്രമിച്ചുകയറി യുവതിയെ പെട്രോളൊഴിച്ച് തീകൊളുത്തി കൊല്ലാൻ ശ്രമിച്ച കേസിൽ വിമുക്തഭടൻ അറസ്റ്റിൽ. പയ്യാവൂരിനടുത്ത് ഏറ്റുപാറയിലെ പാത്തിക്കൽ മനോജ് ഫിലിപ്പിനെ (48) യാണ് പയ്യാവൂർ സി.ഐ: കെ.ആർ.രഞ്ജിത്ത് അറസ്റ്റ് ചെയ്തത്.
കഴിഞ്ഞ ദിവസം ഉച്ചയോടെയായിരുന്നുസംഭവം. മനോജ് ഫിലിപ്പിന്റെ അയൽവാസിയായ നടുച്ചിറയിൽ സിനിയെ (42)യാണ് തീ കൊളുത്തി കൊല്ലാൻ ശ്രമിച്ചത്.യുവതി പയ്യാവൂരിലെ സ്വകാര്യ ആശുപത്രിയിൽ ചികിത്സയിലാണ്. സിനിയുടെ മകൻ ഓടിയെത്തി തട്ടി മാറ്റിയതിനാലാണിവർ രക്ഷപ്പെട്ടത്.
മനോജ് ഫിലിപ്പ് മദ്യപിച്ച് നിരന്തരം ബഹളംവെക്കുന്നതിനെതിരെ സിനി പയ്യാവൂർ പോലീസിൽ പരാതി നൽകിയിരുന്നു. ഈ വിരോധമാണ് ആക്രമണത്തിന് കാരണം.വധശ്രമത്തിനാണ് കേസ്. പ്രതിയെ ഇന്ന് മജിസ്ട്രേറ്റ് മുമ്പാകെ ഹാജരാക്കും.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group