റിയാദ്– തന്റെ 40ാം വയസിലും ഫുട്ബോൾ ആരാധകരെ ഗോളുകൾ കൊണ്ട് ത്രസിപ്പിക്കുകയാണ് ഇതിഹാസ താരം ക്രിസ്റ്റ്യാനോ റൊണാള്‍ഡോ. കഴിഞ്ഞ ദിവസം സൗദി പ്രോലീഗില്‍ അല്‍ ഖലീജിനെതിരെ താരം നേടിയ ബൈസിക്കിള്‍ ഗോൾ ആരാധക മനസ്സ് കീഴടക്കി. മത്സരത്തിൽ ഒന്നിനെതിരെ നാല് ഗോളുകൾക്ക് എതിരാളികളെ തരിപ്പണമാക്കി കുതിക്കുകയാണ് അല്‍ നസര്‍.
മത്സരം കഴിയാൻ നിമിഷങ്ങൾ മാത്രം ബാക്കി നിൽക്കെയാണ് റൊണാൾഡോയുടെ ബൂട്ടിൽ നിന്നും ആരാധക മനസ്സ് കീഴടക്കിയ ആ ഗോൾ പിറന്നത്. വലത് വിങിൽ നിന്നും നവാഫ് അൽ ബൗസൽ നൽകിയ ക്രോസ്സിൽ ഉയർന്ന്‌ ചാടിയ ക്രിസ്റ്റ്യാനോ അൽ ഖലീജ് ഗോൾ കീപ്പർ ആന്റണി മോറിസിനെ കാഴ്ചക്കാരനാക്കി പന്ത് വലയിലെത്തി എത്തിക്കുകയായിരുന്നു. ഇതോടെ കരിയറിൽ 954മത്തെ ഗോൾ നേടിയ താരത്തിന് 1000 ഗോളുകളെന്ന ഐതിഹാസിക റെക്കോർഡിന് ഇനി 46 ഗോളുകൾ മാത്രം മതി.
മത്സരത്തില്‍ റൊണാള്‍ഡോയെ കൂടാതെ ജാവോ ഫെലിക്‌സ്, സാദിയോ മാനേ, വെസ്ലി എന്നിവരും ലക്ഷ്യം കണ്ടു. അല്‍ ഖലീജിന്റെ ആശ്വാസ ഗോള്‍ പിറന്നത് മുറാദ് അല്‍ ഹവ്‌സാവിയുടെ ബൂട്ടിൽ നിന്നാണ്. ലീഗില്‍ കളിച്ച ഒമ്പത് മത്സരങ്ങളിലും വിജയം കണ്ട അല്‍ നസര്‍ 27 പോയിന്റുമായി തലപ്പത്ത് തുടരുകയാണ്.
ഗോൾ വീഡിയോ
Call it skill, call it instinct… we call it Ronaldo 🐐💛 pic.twitter.com/diFN85oBCI
— AlNassr FC (@AlNassrFC_EN) November 23, 2025