സി.പി.എമ്മിൽ ചേർന്നാലും ബി.ജെ.പിയിൽ ചേരരുതെന്ന് ഹസൻ ഉപദേശിച്ചു-അനിൽ ആന്റണി

പത്തനംതിട്ട- കോണ്‍ഗ്രസ് വിടുകയാണെന്ന് പ്രഖ്യാപിച്ച തന്നെ യു.ഡി.എഫ് കൺവീനർ എം.എം ഹസൻ വിളിച്ചിരുന്നുവെന്നും സി.പി.എമ്മിലേക്ക് പോയാലും ബി.ജെ.പിയിൽ പോകരുതെന്ന് ഉപദേശിച്ചതായും ബി.ജെ.പി നേതാവ് അനിൽ ആന്റണി. ഈ തെരഞ്ഞെടുപ്പിൽ തന്റെ പിതാവ് എ.കെ ആന്റണിയുടെ പിന്തുണ തനിക്കുണ്ടെന്നും അനില്‍ ആന്റണി പറഞ്ഞു.

അതേസമയം, ഇന്ന് പത്തനംതിട്ടയിൽ തെരഞ്ഞെടുപ്പ് പ്രചാരണത്തിനായി കോൺഗ്രസ് നേതാവ് പ്രിയങ്ക ഗാന്ധിയെത്തും. കൊച്ചിയിലെത്തുന്ന പ്രിയങ്ക, ഹെലികോപ്റ്ററിൽ ഒന്നരയോടെ പത്തനംതിട്ടയിലെത്തും.