കുവൈത്ത് സിറ്റി– കുവൈത്തിലെ തങ്ങളുടെ എംബസി ബെല്‍ജിയം ഗവണ്‍മെന്റ് അടച്ചുപൂട്ടി. ഗള്‍ഫ് മേഖലയിലെ നയതന്ത്ര സാന്നിധ്യം വിലയിരുത്തിയ ശേഷമാണ് കുവൈത്തിലെ ബെല്‍ജിയന്‍ എംബസി അടച്ചുപൂട്ടാന്‍ തീരുമാനിച്ചതെന്ന് ബെല്‍ജിയന്‍ വിദേശ മന്ത്രാലയം അറിയിച്ചു. കുവൈത്തില്‍ താമസിക്കുന്നവരോ കുവൈത്തിലേക്ക് യാത്ര ചെയ്യുന്നവരോ ആയ ബെല്‍ജിയന്‍ പൗരന്മാരുടെ കോണ്‍സുലാര്‍ താല്‍പ്പര്യങ്ങള്‍ ഇനി റിയാദിലെ ബെല്‍ജിയന്‍ എംബസി വഴി ഉറപ്പാക്കും. ഡിസ്റ്റന്‍സ് രീതിയിലും കുവൈത്തിലേക്ക് പതിവ് നയതന്ത്ര സംഘങ്ങളുടെ യാത്രകള്‍ സംഘടിപ്പിച്ചും റിയാദ് എംബസി മുമ്പത്തെപ്പോലെ തന്നെ സേവനങ്ങള്‍ നല്‍കുമെന്നും ബെല്‍ജിയന്‍ വിദേശ മന്ത്രാലയം വ്യക്തമാക്കി.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group