ജയിലിൽ ഏറ്റുമുട്ടൽ, രണ്ടു പേർ കൊല്ലപ്പെട്ടു

ചണ്ഡീഗഡ്: സംഗ്രൂരിലെ ജയിലിൽ തടവുകാർ തമ്മിലുണ്ടായ ഏറ്റുമുട്ടലിൽ രണ്ട് തടവുകാർ കൊല്ലപ്പെട്ടു. നിരവധി പേർക്ക് പരിക്കേറ്റു. ചിലരുടെ നില ഗുരുതരമാണ്. സംഘർഷത്തിന്റെ കാരണം കണ്ടെത്താൻ അന്വേഷണം നടക്കുകയാണെന്ന് പോലീസ് അറിയിച്ചു. 

പരിക്കേറ്റ നാലുപേരെ സംഗ്രൂരിലെ ആശുപത്രിയിൽ പ്രവേശിപ്പിച്ചു. ഗുരുതരമായി പരിക്കേറ്റ രണ്ടു പേരെ പട്യാലയിലേക്ക് മാറ്റി.