റിയാദ് – തബൂക്ക് പ്രവിശ്യയിലെ ദിബാ തുറമുഖം വഴി വന്‍ മയക്കുമരുന്ന് ശേഖരം കടത്താനുള്ള ശ്രമം സകാത്ത്, ടാക്‌സ് ആന്റ് കസ്റ്റംസ് അതോറിറ്റി വിഫലമാക്കി. കപ്പലില്‍ തുറമുഖത്തെത്തിയ ചരക്ക് ലോഡ് വഹിച്ച ലോറിയില്‍ കാപ്‌സിക്കത്തിനും പേരക്കക്കും അകത്ത് ഒളിപ്പിച്ച് കടത്താന്‍ ശ്രമിച്ച 10,06,158 ലഹരി ഗുളികകള്‍ സുരക്ഷാ സാങ്കേതികവിദ്യകള്‍ ഉപയോഗിച്ച് നടത്തിയ പരിശോധനയില്‍ കണ്ടെത്തുകയായിരുന്നു. മയക്കുമരുന്ന് ശേഖരം പിടികൂടിയ ശേഷം ജനറല്‍ ഡയറക്ടറേറ്റ് ഓഫ് നാര്‍കോട്ടിക്‌സ് കണ്‍ട്രോളുമായി ഏകോപനം നടത്തി മയക്കുമരുന്ന് ശേഖരം സൗദിയില്‍ സ്വീകരിച്ചയാളെ അറസ്റ്റ് ചെയ്തതായും സകാത്ത്, ടാക്‌സ് ആന്റ് കസ്റ്റംസ് അതോറിറ്റി അറിയിച്ചു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group