ദമാം- ഇന്ത്യൻ ഓഹരി വിപണിയിൽ പ്രവാസികൾക്ക് നിക്ഷേപം നടത്താനാവശ്യമായ വഴികൾ വിശദീകരിച്ച് ദമാമിൽ കാപ് ഇൻഡെക്സ് നിക്ഷേപ ബോധവൽക്കരണ സംഗമം നടത്തി. കേരളത്തിലെ പ്രമുഖ ഇൻവെസ്റ്റ്മെന്റ് ബ്രോക്കിംഗ് സ്ഥാപനമായ കാപ് ഇൻഡക്സാണ് ദമാമിൽ പ്രവാസികൾക്കായി സംഗമം നടത്തിയത്.
ആധുനിക സാങ്കേതിക വിദ്യ ഉപയോഗിച്ച് ഉപഭോക്താക്കൾക്ക് സാമ്പത്തിക മേഖലയിൽ സുരക്ഷിത മാർഗം കാണിക്കുന്നതിൽ കാപ് ഇൻഡെസ്ക്സ് നടത്തുന്ന പ്രവർത്തനം വിശദീകരിച്ചു. ഇക്വിറ്റി ട്രേഡിംഗ്, മ്യൂച്വൽ ഫണ്ടുകൾ, ഇൻഷുറൻസ്, ഐ.പി.ഒ, എ.ഐ.എഫ് (ആൾട്ടർനേറ്റീവ് ഇൻവെസ്റ്റ്മെന്റ് ഫണ്ട്), തുടങ്ങി വിവിധ നിക്ഷേപ പദ്ധതികളെക്കുറിച്ചും അവസരങ്ങളെ കുറിച്ചും പരിചയപ്പെടുത്തി. നിക്ഷേപ മാർഗങ്ങളെകുറിച്ചും അവസരങ്ങളെ കുറിച്ചുമുള്ള സംശയങ്ങൾക്ക് മറുപടി നൽകുന്ന ചോദ്യോത്തര സെഷനും ശ്രദ്ധേയമായി.
കാപ് ഇൻഡക്സ് ചെയർമാൻ ഹാതിം മുഹമ്മദ് ഉദ്ഘാടനം ചെയ്തു. കാപ് ഇൻഡെക്സ് സി.ഇ.ഒയും എം.ഡിയുമായ ത്വയ്യിബ് മുഹയുദ്ദീൻ മുഖ്യപ്രഭാഷണം നടത്തി. ചീഫ് ഓപ്പറേറ്റിംഗ് ഓഫീസർ വി.എം സാബിർ, ദമാം തെക്കേപ്പുറം കൂട്ടായ്മയുടെ എൻജിനീയർ കെ.വി ഹസൻ കോയ എന്നിവർ പ്രസംഗിച്ചു. അസോസിയേറ്റ് ഡയറക്ടർമാരായ എം. നാഷിക്, പി.പി സുഹൈൽ, ഓവർസീസ് ബിസിനസ് കോർഡിനേറ്റർ സി.കെ സാജിദ് അലി, ബിസിനസ് ഡവലപ്മെന്റ് മാനേജർമാരായ സലീൽ ബറാമി, സുഹ്ദി സാലിഹ്, ഫഹീം(ഡിജിറ്റൽ മാർക്കറ്റിംഗ്), ആമിസ് (ബിസിനസ് അസോസിയേറ്റ്) എന്നിവർ സന്നിഹിതരായിരുന്നു.
കാപ് ഇൻഡെക്സ് സംഗമം റിയാദിൽ ഈ മാസം 20ന് (ശനി) വൈകിട്ട് ഏഴിന് അൽ ഖസ്ർ ഡിസ്ട്രിക്ടിലെ കിംഗ് ഫഹദ് റോഡിലെ ഹോളിഡേ ഇൻ ഹോട്ടലിൽ നടക്കും. സൗദിയുടെ വിവിധ ഭാഗങ്ങളിൽ കാപ് ഇൻഡെക്സ് തുടർ സംഗമങ്ങൾ നടത്തും. റിയാദിൽ നടക്കുന്ന സംഗമത്തിൽ പങ്കെടുക്കാൻ ആഗ്രഹിക്കുന്നവർക്ക് ഈ ലിങ്കിൽ ക്ലിക്ക് ചെയ്ത് രജിസ്റ്റർ ചെയ്യുക.