“ആഘോഷ ദിനങ്ങളിൽ യൂണിഫോം നിർബന്ധമാക്കില്ല” പുതിയ പ്രഖ്യാപനവുമായി വി ശിവൻകുട്ടി

തൃശൂർ– ആഘോഷ ദിനങ്ങളിൽ കുട്ടികൾക്ക് യൂണിഫോം നിർബന്ധമാക്കില്ലെന്ന് പ്രഖ്യാപിച്ച് വിദ്യാഭ്യാസ മന്ത്രി വി ശിവൻകുട്ടി. തന്റെ ഫേസ്ബുക്ക് പോസ്റ്റ് വഴിയാണ് ശിവൻകുട്ടി ഇക്കാര്യം പ്രഖ്യാപിച്ചത്. കുട്ടികളുടെ നിർദ്ദേശപ്രകാരം തന്നെയാണ് മാറ്റം എന്നും അദ്ദേഹം പറഞ്ഞു.

‘‘സ്‌കൂളുകളിലെ ആഘോഷ ദിനങ്ങളിൽ കുഞ്ഞുങ്ങൾക്ക് യൂണിഫോം നിർബന്ധമാക്കില്ല. കുഞ്ഞുങ്ങൾ പറന്നു രസിക്കട്ടെ വർണ പൂമ്പാറ്റകളായി. കുഞ്ഞുങ്ങളുടെ തന്നെ ആവശ്യപ്രകാരമാണ് ഈ തീരുമാനം.’’ – മന്ത്രി ഫേസ്ബുക്കിൽ കുറിച്ചു.