ജിദ്ദ: സൗദി മതകാര്യ വകുപ്പിന് കീഴിൽ കിലോ 13-ൽ പ്രവർത്തിക്കുന്ന ദഅവ സെന്ററിൽ വിവിധ ഭാഷകളിൽ നടത്തുന്ന അൽ ബസീറ പഠന കോഴ്സിന്റെ ഒന്നാം ഘട്ടം ജൂൺ 27 വെള്ളിയാഴ്ച മുതൽ ആരംഭിക്കുമെന്ന് ദഅവ സെന്റർ മലയാള വിഭാഗം അറിയിച്ചു. എല്ലാ വെള്ളിയാഴ്ചകളിലും രാവിലെ 10:00 മുതൽ ഉച്ചയ്ക്ക് 2:00 വരെയാണ് ക്ലാസുകൾ.
ആദ്യം രജിസ്റ്റർ ചെയ്യുന്ന 30 പേർക്ക് മാത്രമാണ് പ്രവേശനം. ഇസ്ലാമിക കർമപാഠങ്ങൾ, വിശ്വാസം, ചരിത്രം, അറബി ഭാഷ എന്നിവയെക്കുറിച്ചുള്ള വിഷയങ്ങൾ ഉൾപ്പെടുത്തിയാണ് കോഴ്സ്. 25 ആഴ്ച നീണ്ടുനിൽക്കുന്ന ഈ കോഴ്സിൽ വിജയിക്കുന്നവർക്ക് ആകർഷകമായ സമ്മാനങ്ങളും സർട്ടിഫിക്കറ്റുകളും നൽകും.
പഠന കോഴ്‌സില്‍ പങ്കെടുക്കുവരില്‍ നിന്നും അര്‍ഹരായവര്‍ക്ക് ദഅവ സെന്റർ നടത്തുന്ന ഹജ്ജ്, ഉംറ, മദീന സന്ദർശനം, വിനോദ പരിപാടികൾ, ചരിത്ര യാത്രകൾ എന്നിവയിൽ പങ്കെടുക്കാം.
കൂടുതൽ വിവരങ്ങൾക്ക്: 0509001258,0545483440 എന്നീ നമ്പറുകളില്‍ ബന്ധപ്പെടുക