ലണ്ടന്– ചരിത്രത്തിലെ ഏറ്റവും വലിയ വിവരച്ചോര്ച്ചക്ക് പിന്നാലെ മുന്നറിയിപ്പുമായി സൈബര് സുരക്ഷാ വിദഗ്ദര്. ഇന്റര്നെറ്റ് ഉപയോക്താക്കളോട് പാസ്വേര്ഡുകള് മാറ്റാനും ഡിജിറ്റല് സുരക്ഷ അപ്ഗ്രേഡ് ചെയ്യാനും ഇവര് ആവശ്യപ്പെട്ടു. കഴിഞ്ഞ ദിവസമാണ് 1600 കോടി ലോഗിന് ഐഡി വിവരങ്ങള് ചോര്ന്നെന്ന വാര്ത്ത പുറത്തുവന്നത്. സൈബര് വിദഗ്ദകരുടെ വെളിപ്പെടുത്തല് അനുസരിച്ച് 18.4 കോടി റെക്കോര്ഡുകളടങ്ങിയ ഒരു അജ്ഞാത ഡാറ്റാ ബേസ് ഒരു വെബ് സെര്വറില് നിന്ന് കണ്ടെത്തി. ഇതില് 1600 കോടി പാസ്വേര്ഡുകളടങ്ങിയ ലോഗിന് വിവരങ്ങളാണ് ഉണ്ടായിരുന്നത്. ഇത് വെറുമൊരു വിവരച്ചോര്ച്ചയല്ല. വലിയ തോതിലുള്ള സൈബര് ചൂഷണങ്ങള്ക്കുള്ള ഒരു ബ്ലൂ പ്രിന്റാണിതെന്ന് ഗവേഷകര് മുന്നറിയിപ്പ് നല്കി.
ഇന്ഫോസ്റ്റീലറുകള് എന്നറിയപ്പെടുന്ന ക്ഷുദ്ര സോഫ്റ്റ്വെയറില് നിന്നും ചോര്ച്ചകളില് നിന്നും ശേഖരിച്ച ക്രെഡന്ഷ്യലുകള് കൊണ്ട് നിറച്ച 30 ഡാറ്റാസെറ്റുകള് കണ്ടെത്തിയതായി ഗവേഷകര് പറഞ്ഞു. സൈബര് കുറ്റവാളികള്ക്ക് ലഭ്യമായേക്കാവുന്ന സെന്സിറ്റീവ് വിവരങ്ങളുടെ വ്യാപ്തിയും ഗവേഷകര് വെളിപ്പെടുത്തി. എത്ര അക്കൗണ്ട് വിവരങ്ങള് പുറത്തായിട്ടുണെന്ന് കൃത്യം പറയാന് പ്രയാസമാണെന്നും അവര് അറിയിച്ചു. ഗൂഗിള്, ഫേസ്ബുക്ക്, ആപ്പിള്, സേവനങ്ങളിലേക്ക് ആക്സസ് തുറക്കാന് ഈ ക്രെഡന്ഷ്യലുകള്ക്ക് സാധ്യമാണെന്നും റിപ്പോര്ട്ടുണ്ട്. ഒന്നിലധികം ഇന്ഫോസ്റ്റീലര്മാരാണ് ഈ വിവരച്ചോര്ച്ചക്ക് ഫോര്ബ്സ് റിപ്പോര്ട്ടില് പറയുന്നു.