മക്ക – വിശുദ്ധ ഹറമിനോട് ചേര്‍ന്ന ഹോട്ടലിലെ ഫ്‌ളാറ്റ് അഞ്ചു കോടി റിയാലിന് ലേലത്തില്‍ വിറ്റു. ഹറമിന് അഭിമുഖമായ ഹയാത്ത് റീജന്‍സി ഹോട്ടലിലെ ഏറ്റവും മുകളിലെ നിലയിലുള്ള 389.32 ചതുരശ്രമീറ്റര്‍ വിസ്തൃതിയിലുള്ള അപാര്‍ട്ട്‌മെന്റ് ആണ് വ്യവസായ പ്രമുഖര്‍ പങ്കെടുത്ത ലേലത്തില്‍ മോഹവിലക്ക് വിറ്റത്. ഒരു ചതുരശ്രമീറ്ററിന് 1,28,429.06 റിയാല്‍ തോതിലാണ് ലഭിച്ചത്. ഫ്‌ളാറ്റിന് കമ്മീഷന്‍ ആയി 12,50,000 റിയാല്‍ കൂടി ഇത് സ്വന്തമാക്കിയ വ്യവസായി നല്‍കണം. കമ്മീഷനും വിലയും അടക്കം ആകെ 5,12,50,000 റിയാലിനാണ് വാശിയേറിയ ലേലത്തില്‍ വ്യവസായ പ്രമുഖന്‍ അപാട്ട്‌മെന്റ് സ്വന്തമാക്കിയത്.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group