സകാക്ക – റിയാദ്- അല്‍ജൗഫ് റൂട്ടിലേക്ക് കൂടുതൽ ട്രെയിന്‍ സര്‍വീസുകള്‍ ഡിസംബര്‍ 31 മുതല്‍ വര്‍ധിപ്പിക്കുമെന്ന് സൗദി അറേബ്യ റെയില്‍വെയ്‌സ് അറിയിച്ചു. മാസത്തില്‍ നാലു സര്‍വീസുകള്‍ വീതമാണ് വര്‍ധിപ്പിച്ചിരിക്കുന്നത്. അല്‍ജൗഫ് ഗവര്‍ണര്‍ ഫൈസല്‍ ബിന്‍ നവാഫ് രാജകുമാരന്റെ അപേക്ഷ പ്രകാരമാണ് സര്‍വീസുകളുടെ എണ്ണം വര്‍ധിപ്പിക്കുന്നതെന്ന് സൗദി അറേബ്യ റെയില്‍വെയ്‌സ് അറിയിച്ചു.
സേവനങ്ങളിലും സൗകര്യങ്ങളിലും വിശിഷ്ടമായ കേന്ദ്രമാക്കി മാറ്റുന്ന തരത്തിൽ അല്‍ജൗഫ് പ്രവിശ്യ വികസിപ്പിക്കാനുമാണ് നീക്കം. പ്രവിശ്യയില്‍ വികസനം വേഗത്തിലാക്കാനുമുള്ള അല്‍ജൗഫ് ഗവര്‍ണറുടെ അപേക്ഷയുടെ അടിസ്ഥാനത്തിലും വിഷന്‍ 2030 ലക്ഷ്യങ്ങളുമായി പൊരുത്തപ്പെട്ടു പോകുന്നതിനും ട്രെയിന്‍ സീറ്റുകള്‍ക്കുള്ള വര്‍ധിച്ചുവരുന്ന ആവശ്യം നിറവേറ്റാനുമാണ് സര്‍വീസുകള്‍ വര്‍ധിപ്പിക്കുന്നതെന്ന് അല്‍ജൗഫ് ഗവര്‍ണറേറ്റ് പറഞ്ഞു.