ഇത്തിഹാദ്: ഇംഗ്ലിഷ് പ്രീമിയര്‍ ലീഗില്‍ മാഞ്ചസ്റ്റര്‍ സിറ്റിയുടെ മോശം ഫോം തുടരുന്നു. ഇന്നലെ ടോട്ടന്‍ഹാമിനോട് സിറ്റി എതിരില്ലാത്ത നാല് ഗോളിന് പരാജയപ്പെട്ടു. 2006ന് ശേഷം ആദ്യമായാണ് സിറ്റി തുടര്‍ച്ചയായ അഞ്ച് മല്‍സരങ്ങള്‍ പരാജയപ്പെടുന്നത്.
കോച്ച് പെപ്പ് ഗ്വാര്‍ഡിയോളയ്ക്ക് കീഴില്‍ ആദ്യമായാണ് സിറ്റി തുടര്‍ച്ചയായ മൂന്ന് പ്രീമിയര്‍ ലീഗ് മല്‍സരങ്ങളില്‍ പരാജയപ്പെടുന്നത്.സിറ്റിയുടെ ഹോം ഗ്രൗണ്ടില്‍ ടോട്ടന്‍ഹാമിനായി ജെയിംസ് മാഡിസണ്‍ ഇരട്ട ഗോള്‍ നേടി(13,20), പെഡ്രോ പോറോ(52), ജോണ്‍സണ്‍(90) എന്നിവരും സ്പര്‍സിനായി സ്‌കോര്‍ ചെയ്തു. പരാജയപ്പെട്ടെങ്കിലും സിറ്റി ലീഗില്‍ രണ്ടാം സ്ഥാനത്ത് തുടരുകയാണ്.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group