ക്യാപ് നൗ: സ്പാനിഷ് ലീഗിലെ ഒന്നാം സ്ഥാനക്കാര്‍ക്ക് ഞെട്ടിക്കുന്ന തോല്‍വി. റയല്‍ സോസിഡാഡ് ആണ് ബാഴ്‌സലോണയെ എതിരില്ലാത്ത ഒരു ഗോളിന് പരാജയപ്പെടുത്തിയത്. 33ാം മിനിറ്റില്‍ ബെക്കര്‍ ആണ് സോസിഡാഡിന്റെ വിജയഗോള്‍ നേടിയത്. പരിക്കിനെ തുടര്‍ന്ന് ലാമിന്‍ യമാല്‍ ഇല്ലാതെയാണ് ബാഴ്‌സ ഇറങ്ങിയത്. ഇത് അവര്‍ക്ക് വന്‍ തിരിച്ചടിയായി. പരാജയപ്പെട്ടെങ്കിലും ഒന്നാം സ്ഥാനത്ത് ബാഴ്‌സയ്ക്ക് ആറ് പോയിന്റിന്റെ ലീഡ് ഉണ്ട്.
ഇംഗ്ലിഷ് പ്രീമിയര്‍ ലീഗില്‍ മാഞ്ചസ്റ്റര്‍ യുനൈറ്റഡിന് ജയം. ലെസ്റ്റര്‍ സിറ്റിക്കെതിരേ മൂന്ന് ഗോളിന്റെ ജയമാണ് യുനൈറ്റഡ് നേടിയത്.ബ്രൂണോ ഫെര്‍ണാണ്ടസ്, ഗര്‍നാഷോ എന്നിവരാണ് യുനൈറ്റഡിനായി സ്‌കോര്‍ ചെയ്തത്. മറ്റൊരു ഗോള്‍ ലെസ്റ്റര്‍ താരത്തിന്റെ സെല്‍ഫ് ഗോളായിരുന്നു.
മറ്റൊരു മല്‍സരത്തില്‍ ആഴ്‌സണലിനെ ചെല്‍സി സമനിലയില്‍ കുരുക്കി. സ്റ്റാംഫോഡില്‍ നടന്ന മല്‍സരം 1-1നാണ് അവസാനിച്ചത്. 60ാം മിനിറ്റില്‍ ഗബ്രിയേല്‍ മാര്‍ട്ടിനെല്ലിയാണ് ആഴ്‌സണലിനായി ലീഡെടുത്തത്. 70ാം മിനിറ്റില്‍ പെഡ്രോ ചെല്‍സിയുടെ സമനില ഗോള്‍ നേടി. മറ്റ് മല്‍സരങ്ങളില്‍ ടോട്ടന്‍ഹാമിനെ ഇപ്‌സ്വിച്ച് 2-1നും നോട്ടിങ്ഹാമിനെ ന്യൂകാസില്‍ 3-1നും പരാജയപ്പെടുത്തി