ദുബായില്‍ ഹോട്ടലില്‍ തീപിടിത്തം; പുക ശ്വസിച്ച് രണ്ട് പേര്‍ മരിച്ചു

ദുബായ്: ദുബായില്‍ ഹോട്ടലിലുണ്ടായ തീപിടിത്തത്തെ തുടര്‍ന്ന് പുക ശ്വസിച്ച് ശ്വാസംമുട്ടി രണ്ട് പേര്‍ മരിച്ചു. ദുബായിലെ നായിഫിലെ ഒരു ഹോട്ടലിലാണ് തീപിടിത്തമുണ്ടായത്. ദുബായ് മീഡിയ ഓഫീസാണ് ഇക്കാര്യം അറിയിച്ചത്.
ഉടന്‍ സ്ഥലത്തെത്തിയ ദുബായ് സിവില്‍ ഡിഫന്‍സ് രക്ഷാപ്രവര്‍ത്തനം നടത്തി. ഹോട്ടലിലുണ്ടായിരുന്ന എല്ലാവരെയും സുരക്ഷിതമായി ഒഴിപ്പിച്ചു. അപകടത്തക്കുറിച്ചും മരിച്ചവരെക്കുറിച്ചും അധികൃതര്‍ കൂടുതല്‍ വിവരങ്ങള്‍ വെളിപ്പെടുത്തിയിട്ടില്ല. ഒട്ടേറെ മലയാളികള്‍ താമസിക്കുന്ന വ്യാപാരകേന്ദ്രമാണ് നായിഫ്.