പ്രൊഫഷണൽ ഫുട്ബോളിൽനിന്ന് വിരമിച്ച് അനസ് എടത്തൊടിക, കളം വിടുന്നത് ഫുട്ബോളിലെ ഐയൺ മാൻ

മലപ്പുറം: പ്രൊഫഷണൽ ഫുട്ബോളിൽനിന്ന് വിരമിക്കൽ പ്രഖ്യാപിച്ച് ഇന്ത്യയുടെ മുൻ താരം അനസ് എടത്തൊടിക. സൂപ്പർ ലീഗ് കേരളയിൽ മലപ്പുറം എഫ്‌.സിക്ക് വേണ്ടിയുള്ള അവസാന മത്സരത്തിനുശേഷമാണ് വിരമിക്കുകയാണെന്ന് അനസ് പ്രഖ്യാപിച്ചത്. മലപ്പുറം എഫ്.സിയുടെ നായകനായിരുന്നു. 2019 ജനുവരി 15ന് ബഹ്റൈനെതിരെ ഷാർജയിലെ ഷാർജ സ്റ്റേഡിയത്തിൽ നടന്ന ഇന്ത്യയുടെ മത്സരത്തിനുശേഷം അന്താരാഷ്ട്ര ഫുട്ബോളിൽനിന്ന് വിരമിക്കൽ പ്രഖ്യാപിച്ചിരുന്നു.

കേരള ബ്ലാസ്റ്റേഴ്സ്‌സ് ഉൾപ്പെടെ രാജ്യത്തെ പ്രമുഖ ക്ലബുകൾക്കായി കളത്തിലിറങ്ങി. 2007ൽ മുംബൈ എഫ്‌.സിയിൽ ചേർന്ന അനസിന്റെ ചിറകിലേറിയാണ് മുംബൈ എഫ്.സി ടീം ഐ ലീഗ് രണ്ടാം ഡിവിഷൻ കിരീടം നേടിയത്. പിന്നീട് പൂനെ എഫ്‌.സിയിലെത്തി. പൂനെ ടീമിനൊപ്പം നാലു വർഷം പ്രവർത്തിച്ചു. അനസിനെ ക്ലബ് തങ്ങളുടെ ബെസ്റ്റ് പ്ലെയർ അവാർഡായ ഐയൺ മാൻ പുരസ്കാരം നൽകി ആദരിച്ചിരുന്നു.