കൊണ്ടോട്ടിക്ക് സമീപം ഐക്കരപ്പടിയിൽ പ്ലസ് ടു വിദ്യാർത്ഥി ക്വാറിയിൽ മുങ്ങി മരിച്ചു

കൊണ്ടോട്ടി- കൊണ്ടോട്ടിക്ക് സമീപം ഐക്കരപ്പടി പൂച്ചാലിൽ ക്വാറിയിൽ വീണ് പ്ലസ് ടു വിദ്യാർത്ഥി മുങ്ങി മരിച്ചു. ഐക്കരപ്പടി കല്ലറക്കുന്ന് പള്ളിയിൽ ശാഹുൽ ഹമീദിന്റെ മകൻ ഇജ്‌ലാൻ (17) ആണ് മരിച്ചത്. ഇന്ന് (വെള്ളിയാഴ്ച) ഉച്ചയ്ക്കാണു സംഭവം. കൂട്ടുകാരനൊപ്പം കുളിക്കാൻ ഇറങ്ങിയതായിരുന്നു. ഫറോക്ക് ഗണപത് സ്‌കൂളിൽ പ്ലസ് ടു വിദ്യാർഥിയാണ് ഇജ്‌ലാൻ. മൃതദേഹം കോഴിക്കോട് മെഡിക്കൽ കോളജ് ആശുപത്രിയിൽ.