ജിമ്മിൽ വ്യായാമത്തിനിടെ കുഴഞ്ഞുവീണ് യുവതി മരിച്ചു

കൊച്ചി: ജിമ്മിലെ വ്യായാമത്തിനിടെ കൊച്ചി എളമക്കരയിൽ യുവതി കുഴഞ്ഞുവീണു മരിച്ചു. ആർ.എം.വി റോഡ് ചിറക്കപ്പറമ്പിൽ ശാരദ നിവാസിൽ വി.എസ് രാഹുലിന്റെ ഭാര്യ വയനാട് സ്വദേശിനിയായ അരുന്ധതി(24)യാണ് മരിച്ചത്.

എട്ടുമാസം മുമ്പായിരുന്നു ഇവരുടെ വിവാഹം. എളമക്കരയിലെ ഭർതൃവീട്ടിൽനിന്നും വ്യായാമത്തിന് എത്തിയതായിരുന്നു. ജിമ്മിലെ ട്രെഡ് മില്ലിൽ വ്യായാമം ചെയ്യുന്നതിനിടെ കുഴഞ്ഞുവീഴുകയായിരുന്നു. ഉടനെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. പോസ്റ്റ്‌മോർട്ടത്തിനുശേഷം മൃതദേഹം വയനാട്ടിലേക്ക് കൊണ്ടുപോകുമെന്ന് ബന്ധുക്കൾ അറിയിച്ചു.