മദീന: മദീന ഇന്ത്യൻ ഫുടുമ്പോൾ അസോഷിയേഷൻ്റെ (മിഫ) നേതൃത്വത്തിൽ അഞ്ചാം തിയ്യതി മുതൽ ആരംഭിക്കുന്ന മൂന്നാമത് ചാമ്പ്യൻസ് ലീഗ് ടൂർണമെൻ്റിൻ്റെ മുന്നാടിയായി മത്സരത്തിൻ്റെ ഫിക്സ്ച്ചർ നറുക്കെടുപ്പും ടീമുകളുടെ ജെഴ്സി പ്രകാശനവും നടത്തി. ത്വരീഖ് അയൂണിലുള്ള ത്വൊയ്ബ ലാൻ്റ് ഓഡിറ്റോറിയത്തിൽ വെച്ച് നടന്ന ചടങ്ങിൽ ചാമ്പ്യൻസ് ലീഗിൽ പങ്കെടുക്കുന്ന എല്ലാ ടീമുകളുടെയും ഭാരവാഹികൾ പങ്കെടുത്തു. വരുന്ന അഞ്ചാം തിയ്യതി മീക്കാത്ത് റോഡിലുള്ള സദ്ധാം ഫ്ലഡ് ലൈറ്റ് സ്റ്റേഡിയത്തിൽ വെച്ചാണ് മത്സരങ്ങൾ നടക്കുക
അഞ്ച് ആഴ്ച്ചകളിലായി നടക്കുന്ന മത്സരങ്ങൾ കലാസാംസ്കാരിക പരിപാടികളോടെയും ടീമുകളുടെ വർണാഭമായ മാർച്ചുപാസ്സുകളോടെ തുടക്കം കുറിക്കും. ജാഫർ കാവാടൻ്റെ അധ്യക്ഷതയിൽ ചേർന്ന യോഗം മിഫ പ്രസിഡൻ്റ് ഹിഫ്സു റഹ്മാൻ ഉത്ഘാടനം ചെയ്തു. അഷറഫ് ചൊക്ളി, ഗഫൂർ പട്ടാമ്പി, ഫൈസൽ വടക്കൻ, അജ്മൽ ആബിദ് എന്നിവർ സംസാരിച്ചു. വളണ്ടിയർ ക്യാപ്റ്റനായി ഹാരിസ് പേരാമ്പ്ര , വൈസ് ക്യാപ്റ്റനായി നിസാർ മേപ്പയ്യൂർ എന്നിവരെയും മെഡിക്കൽ വിംഗിൻ്റെ ചുമതലക്കാരായി സഫീർ നഹാസ്, ഷംസുദ്ധീൻ, ഫാറൂഖ് ,നൂറുദ്ധീൻ എന്നിവരെയും യോഗത്തിൽ വെച്ച് തെരഞ്ഞെടുത്തു. ചാമ്പ്യൻസ് ലീഗിന്റെ സ്പോൺസർമാരായ മുഹമ്മദ് കോയ( സംസം റസ്റ്റോറന്റ് ) സുഹൂർ മഞ്ചേരി( കിസ്മത്ത് റസ്റ്റോറന്റ് ) അമീർ നന്മാറ ( ഫാസ്റ്റ് കാർഗോ ) റഷീദ്( റഹീബ് ഗ്രൂപ്പ്)
എന്നിവരും സംമ്പന്തിച്ച ചടങ്ങിൽ മുനീർ പടിക്കൽ സ്വാഗതവും ഹംസ മണ്ണാർക്കാട് നന്ദിയും പറഞ്ഞു.