മലപ്പുറം- വളാഞ്ചേരിയിൽ യുവതി ബലാൽസംഗത്തിന് ഇരയായ സംഭവം പുറത്തിറഞ്ഞത് യുവതിയുടെ സുഹൃത്തുക്കൾ മുഖേന.കേസിൽമൂന്നു പേരെ വളാഞ്ചേരി പോലീസ് അറസ്റ്റ് ചെയ്തു.
യുവതി അർദ്ധരാത്രിയിൽ കൂട്ട ബലാൽസംഗത്തിന് ഇരയായ വിവരം ഞായറാഴ്ചയാണ് പുറംലോകം അറിഞ്ഞത്. യുവതിയുടെ സുഹൃത്തുക്കൾ പോലീസിൽ വിവരം നൽകുകയായിരുന്നു.
കടുത്ത മാനസിക സമ്മർദ്ദത്തിൽ കഴിയുന്ന രീതിയിൽ യുവതിയെ കണ്ടതോടെയാണ് സുഹൃത്തുക്കൾ വിവരം ആരാഞ്ഞത്. അപ്പോഴാണ് ദിവസങ്ങൾക്കു മുമ്പ് തന്നെ ഏതാനും പേർ ചേർന്ന് ബലാത്സംഗം ചെയ്തതായി യുവതി പറഞ്ഞത്. നാലുദിവസം മുമ്പാണ് ആക്രമണം നടന്നത്.തന്റെ ബന്ധുവിന്റെ വീട്ടിൽ വച്ച് ഏതാനും പേർ ചേർന്ന് ആക്രമിക്കുകയും ബലാൽസംഗം ചെയ്യുകയും ആയിരുന്നു എന്നാണ് യുവതി സുഹൃത്തുക്കളോട് പറഞ്ഞത്. സുഹൃത്തുക്കളുടെ മൊഴിയുടെ അടിസ്ഥാനത്തിൽ പോലീസ് നടത്തിയ അന്വേഷണത്തിലാണ് ഇന്ന് മൂന്നുപേരെ അറസ്റ്റ് ചെയ്തത്.
വളാഞ്ചേരി പീടികപ്പടി സ്വദേശികളായ സുനിൽ,പ്രകാശൻ,ശശി എന്നിവരാണ് പോലീസ് അറസ്റ്റിൽ ആയത്. പ്രതികളുടെ കൂടുതൽ വിവരങ്ങൾ പോലീസ് പുറത്തുവിട്ടിട്ടില്ല. കേസിൽ കൂടുതൽ പേർ പ്രതികൾ ആകുമെന്നാണ് കരുതുന്നത്. അടുത്തദിവസം പോലീസ് പ്രതികളെ തിരിച്ചറിയൽ പരേഡിന് കൊണ്ടുപോകും.
തിരൂർ ഡിവൈ.എസ് പി പി പി ഷംസു ആണ് അന്വേഷണം നടത്തുന്നത്