ഇരു വിഭാഗം സുന്നീ നേതാക്കളുടെ സംഗമ വേദിയായി അയിലക്കാട് ആണ്ട് നേർച്ച; ജിഫ്രി മുത്തുക്കോയ തങ്ങളും ഹക്കീം അസ്ഹരിയും നേതൃത്വം നൽകി

എടപ്പാൾ: സമസ്ത പ്രസിഡന്റ് ജിഫ്രി മുത്തുക്കോയ തങ്ങളുടെയും കാന്തപുരം അബൂബക്കർ മുസ്ലിയാർ നേതൃത്വം നൽകുന്ന സമസ്ത നേതാവ് എ.പി അബ്ദുൽ ഹക്കീം അസ്ഹരിയുടെയും നേതൃത്വത്തിൽ അയിലക്കാട് നേർച്ച കൊണ്ടാടി. മുസ്ലിം സമുദായത്തിലെ രണ്ടു പ്രമുഖ വിഭാഗങ്ങളുടെ സംയുക്ത നേതൃത്വത്തിലാണ് അയിലക്കാട് ശൈഖ് സിറാജുദ്ധീൻ അൽഖാദിരി ആണ്ട്നേർച്ച നടന്നത്.

സയ്യിദ് ജിഫ്രി മുത്തുക്കോയ തങ്ങളും കാന്തപുരം അബൂബക്കർ മുസ്‌ലിയാരുടെ മകനുമായ എ പി അബ്ദുൽ ഹക്കീം അസ്ഹരിയും സംയുക്തമായി പ്രാർത്ഥനകൾക്ക് നേതൃത്വം നൽകി. മൂന്നു ദിവസങ്ങളിലായി നടന്ന വിവിധ പരിപാടികളുടെ സമാപനത്തിൽ കേരള ഹജ്ജ് കമ്മിറ്റി അംഗം കെ എം മുഹമ്മദ് ഖാസിം കോയ, ടി എ റഷീദ് ഫൈസി മദ്രസ ക്ഷേമനിധി ബോർഡ് അംഗം സിദ്ദീഖ് മൗലവി അയിലക്കാട് കെ ടി ബാവ ഹാജി മഹല്ല് സെക്രട്ടറി ഹസൻ തുടങ്ങിയവരും സംബന്ധിച്ചു.